28:51  51  SERMON  CXXVIII.  52  qui  tienne:  ils  auront  a  en  rendre  conte  devant  Dieu.  Mais  cependant  regardons  a,  nous,  et  qu'un  chacun  chemine  en  telle  sorte  qu'il  n'ait  point  Dieu  pour  son  Iuge.  Car  qu'aurons-nous  gagne  estans  eschappez  de  la  main  des  hommes,  quand  ils  n'auront  point  apperceu  nostre  crime,  ou  bien  que  par  subterfuges  et  par  meschantes  prattiques  nous  aurons  este  absouts,  ou  bien  qu'on  ne  nous  aura  sonne  mot?  Cependant  si  nous  faut-il  venir  devant  Dieu,  lequel  ne  quittera  rien  de  son  droict.  Et  si  les  hommes  ont  este  lasches,  et  qu'ils  ayent  fait  des  aveugles,  Dieu  monstrera  en  la  fin  qu'il  n'a  rien  oublie,  que  tout  ne  soit  mis  en  ses  registres.  Advisons  donc  de  cheminer  en  telle  sorte,  que  le  mariage  nous  soit  recommande:  et  que  d'autant  que  nous  voyons  que  Dieu  y  preside,  et  qu'il  maudit  tous  paillards  et  adulteres,  que  cela  nous  tienne  en  plus  grande  crainte  et  solicitude.  Et  nous  voyons  mesmes  que  les  Payens  parmi  leurs  superstitions  et  idolatries  ont  encores  eu  ie  ne  say  quel  mouvement  aveugle  qui  les  poussoit  a  cela,  que  pour  garder  l'honnestete  des  mariages,  ils  ont  imagine  que  leur  dieux  ou  leurs  idoles  en  estoyent  les  gardiens.  Pourquoy  ont-ils  pense  cela?  C'a  este  d'une  sottise.  Il  est  vray.  Mais  ceste  sofctise-la  venoit  d'un  bon  principe.  Ils  se  sont  corrompus  en  superstitions,  et  ont  mesle  leurs  inventions  et  erreurs  parmi:  mais  tant  y  a  que  tousiours  cela  est  demeure,  qu'il  y  avoit  une  impression  qui  ne  se  pouvoit  effacer:  que  Dieu  a  voulu  que  ceste  marque  fust  au  mariage,  et  qu'on  cogneust  qu'il  en  a  le  soin.  Puis  qu'ainsi  est  donc,  advisons  de  n'avoir  point  Dieu  pour  nostre  ennemi  et  partie  adverse:  ce  qu'il  sera,  quand  nous  viendrons  falsifier  la  foy  du  mariage.  Quand  un  homme  espiera  la  femme  d'autruy,  que  la  femme  s'abandonnera  a  un  paillard,  soit  femme  mariee  ou  fiancee  :  que  si  elles  falsifiant  la  promesse,  et  qu'elles  rompent  la  foy  qu'elles  ont  donnee,  c'est  comme  si  elles  prenoyent  la  guerre  a  Dieu:  et  elles  sentiront  qu'elles  ont  une  trop  forte  partie.  Cheminons  donc  en  telle  modestie,  que  nostre  Seigneur  nous  accepte,  et  que  nous  puissions  trouver  grace  envers  luy,  quand  chacun  pourra  ainsi  resister  a  ses  meschantes  concupiscences,  et  qu'on  ne  se  sera  point  lasche  la  bride  iusques  a  se  desborder,  pour  veoir  ainsi  corrompre  un  tel  et  si  sainct  ordre.  Or  si  la  punition  est  tant  griefve  quand  une  paillardise  aura  este  commise  avec  une  fille  fiancee,  il  y  a  encores  plus  de  raison  en  une  femme  mariee  (comme  nous  avons  dit).  Et  pourquoy?  Pource  qu'elle  fait  iniure  a  son  mari,  et  qu'elle  l'expose  en  opprobre,  qu'elie  desrobe  aussi  le  nom  de  ia  famille,  elle  desrobe  les  enfans  qui  ne  sont  point  nais,  elle  desrobe  ceux  qu'elle  aura  desia  eu  du  mariage  legitime.  Quand  donc  une  femme  est  ainsi  endiablee,