27:51  51  SERMON  LXXII.  52  qui  nous  est  commis.  Et  cela  ne  se  fait  point  toutesfois  en  vain  :  car  il  faut  que  nous  soyons  fideles  tesmoins  de  Dieu  :  et  d'autant  que  nous  le  faisons  en  son  nom,  que  nous  ne  pensions  point  que  la  chose  soit  frustratoire  ni  inutile.  Mais  cependant  il  faut  venir  a  nostre  Seigneur  Iesus  Christ,  et  cognoistre  que  c'est  en  son  authorite  que  le  Baptesme  s'administre  en  son  Eglise:  et  pourtant  que  c'est  a  luy  de  le  faire  valloir,  et  que  c'est  son  Esprit  par  lequel  nous  sommes  regenerez.  Car  si  chacun  se  pouvoit  baptiser  en  son  ame,  il  seroit  dit:  Le  ministre  baptise  en  eau,  et  chacun  se  baptise  a  la  verite:  mais  il  n'est  pas  dit  ainsi:  car  aussi  cela  seroit  despouiller  le  Fils  de  Dieu  de  ce  qui  luy  est  propre.  Il  s'est  reserve  un  tel  honneur,  et  ne  l'a  iamais  attribue  a  creature  qui  soit,  non  pas  aux  Anges  do  paradis.  Ainsi  cognoissons  quand  auiourd'huy  il  nous  est  remonstre  que  nous  devons  faire  valoir  le  signe  exterieur,  estans  baptisez  en  nos  ames,  que  quant  et  quant  nous  devons  nous  ranger  a  Dieu  pour  le  prier  qu'il  accomplisse  par  la  vertu  de  son  sainct  Esprit  ce  qu'il  nous  figure  au  dehors:  et  qu'il  nous  mortifie,  et  renouvelle  tellement,  que  nous  ayons  la  verite  du  Baptesme  signee  et  engravee  en  nos  ames:  et  autant  en  a-il  este  du  peuple  ancien.  Il  est  vray  que  Moyse  exhorte  ici  les  Iuifs  de  circoncir  leur  coeur:  mais  nous  verrons  ci  apres  qu'il  dira:  Le  Seigneur  vostre  Dieu  circoncira  vos  coeurs.  Il  semble  bien  de  prime  face  que  ces  deux  choses  n'accordent  point,  et  qu'il  y  ait  quelque  contrariete:  mais  tous  les  deux  conviennent  tres-bien  ensemble.  Car  comme  desia  i'ay  touche,  nostre  devoir  est,  de  nous  circoncir,  c'est  de  retancher  tout  ce  qui  est  de  nostre  nature,  et  de  l'aneantir,  afin  que  Dieu  domine  en  nous.  Mais  nous  8ommes-nous  acquittez  de  cela?  Il  faut  que  Dieu  supplee  a  nostre  defaut:  et  ainsi  il  nous  circoncit.  Et  pourquoy  donc  nous  est-il  commande  de  ce  faire,  veu  que  nous  n'avons  ni  vertu,  ni  faculte?  C'est  afin  que  nous  gemissions,  voyans  la  povrete  qui  est  en  nous,  que  nous  defaillons,  et  que  nous  sommes  tant  coulpables,  que  nous  venions  nous  presenter  devant  Dieu  pour  nous  condamner:  et  puis  que  nous  soyons  incitez  a  le  requerir,  qu'il  face  ce  que  nous  ne  pouvons.  Et  cependant  il  y  a  encores  une  autre  raison  :  c'est  que  quand  Dieu  fait  le  tout  en  nous,  si  est-ce  qu'il  appelle  nostre  ce  qu'il  nous  a  donne:  et  au  reste  il  veut  qu'un  chacun  s'efforce,  encores  qu'il  besongne.  Mais  tant  y  a  que  c'est  luy  qui  fait  le  tout,  combien  que  nous  ne  soyons  point  comme  des  troncs  de  bois:  car  il  nous  a  donne  de  nature  une  volonte.  Or  ceste  volonte-  la  est  mauvaise:  il  la  corrige,  il  la  fait  bonne.  Mais  ii  besongne  tellement,  que  si  veut-il  que  nous  soyons  comme  gendarmes,  en  nous  efforcant  beau-