26:51  51  SERMON  XV.  52  arrogance  diabolique,  quand  nous  attenterons  de  plaider  contre  nostre  iuge,  voire  nostre  iuge  souverain.  Mais  le  tout  est,  que  nous  ne  iustifions  point  les  hommes,  quand  ils  entreprennent  quelque  chose  de  leur  teste,  et  a  leur  appetit:  mais  que  nous  discernions  ce  qui  est  de  Dieu,  et  des  hommes.  Car  notamment  Moyse  a  la  fin  du  chapitre  dit:  Selon  que  le  Seigneur  nostre  Dieu  savoit  commande.  Enquerons-nous  donc  quand  quelque  chose  nous  sera  mise  en  avant,  si  elle  est  de  Dieu  ou  non.  Quand  nous  cognoistrons  qu'elle  est  de  Dieu,  il  nous  faut  assuiettir  a  cela,  disans,  Seigneur,  tu  es  iuste,  que  ta  seule  volonte  nous  suffise,  et  ne  pensons  point  de  savoir  autre  raison:  qu'il  ne  nous  soit  point  licite  de  passer  outre  ceste  reigle,  qui  est  la  reigle  de  toute  iustice.  Quand  donc  nous  aurons  ceste  discretion  et  prudence,  de  discerner  entre  Dieu  et  les  hommes,  alors  nous  ne  pourrons  point  faillir  que  Dieu  ne  soit  glorifie  de  nous  et  adore,  et  que  nous  ne  luy  attribuans  la  louange  de  iustice  et  droiture:  quand  nous-nous  efforeerons  de  cognoistre  ce  qui  aura  este  fait  par  les  hommes,  selon  que  nous  aurons  este  enseignez  par  la  parolle  de  Dieu,  comme  aussi  c'est  bien  raison  qu'elle  domine  par  dessus:  voire,  et  que  toutes  nos  oeuvres  et  pensees  soyent  la  assuietties,  compassees,  et  reiglees  en  telle  sorte,  que  nous  cognoissions,  Dieu  a-il  deffendu  cela?  c'est  une  chose  mauvaise:  et  pourtant  nous  en  faut-ii  abstenir:  Dieu  approuve-il  cela,  et  le  permet-il?  confessons  qu'il  est  bien  fait  sans  nous  enquerir  plus  outre.  Voila  donc  ce  que  nous  avons  a  retenir  pour  conclusion  de  ce  passage.  LE  PREMIER  SERMON  SUR  LE  CHAP.  III.  V.  i.ii.  DU  MARDI  7E  DE  MAY  1555.  Si  nous  prenions  ce  que  nous  avons  leu,  comme  un  simple  recit  d'histoire,  il  n'y  auroit  gueres  de  profit  en  la  lecture.  Mais  quand  nous  le  pourrons  appliquer  a  tel  usage,  comme  Dieu  par  son  sainct  Esprit  l'a  entendu:  nous  verrons  que  c'est  une  doctrine  fort  utile  pour  nous.  Il  est  ici  declare  que  le  peuple  d'Israel  a  desconfit  Og  roy  de  Basan,  comme  il  avoit  fait  Sehon  roy  des  Amorrheens:  voila  une  histoire.  Mais  il  faut  regarder  a  quel  propos  Dieu  a  voulu  cela  estre  enregistre  en  sa  Loy,  estre  publie  par  Moyse,  et  reduit  en  memoire:  c'est  afin  que  le  peuple  cogneust  qu'il  avoit  este  conduit  par  la  main  de  Dieu,  et  qu'estant  delivre  du  pays  d'Egypte,  il  n'eust  seu  que  devenir,  sinon  que  Dieu  eust  poursuivi  sa  grace  pour  le  mettre