23:51  51  COMMENTARIUS  IN  GENESIN.  52  quod  habent  Graeci  interpretes:  Erunt  duo  in  carnem  unam:  atque  ita  locum  citat  Christus,  (Matth.  19,  5).  Quanquam  autem  hic  duorum  non  fit  mentio,  in  sensu  nihil  est  ambigui,  Neque  enim  plures  uni  viro  uxores  Deum  attribuisse,  sed  unam  dixerat:  et  in  generali  doctrina  uxorem  posuerat  numero  singulari.  Superest  ergo  ut  inter  duos  consistat  vinculum  coniugale:  unde  facile  apparet,  nihil  minus  consentaneum  esse  divinae  institutioni  quam  polygamiam.  Iam  q  qum  Christus  voluntaria  Iudaeorum  divortia  improbans  causam  adducat:  Quia  non  sic  fuit  a  principio  :  primam  certe  hanc  institutionem  perpetuae  regulae  instar  haberi  iubet.  Eodem  et  sui  temporis  Iudaeos  revocat  Malachias  (2,  15):  Annon  ab  initio  unum  fecit?  et  tamen  spiritus  abundans  in  eo  erat.  Quare  dubium  non  est  quin  corruptela  sit  legitimi  coniugii  polygamia.  25.  Erant  autem  ambo  nudi.  Quod  indecora  et  deformis  censetur  hominum  nuditas,  quae  in  pecudibus  nihil  turpe  habet,  parum  congruere  videtur  humanae  dignitati.  Hominem  videre  nudum  non  possumus  sine  verecundia:  in  asini,  vel  canis,  vel  tauri  conspectu  non  idem  erit  pudor.  Quinetiam  unumquemque  pudet  suae  nuditatis,  quanquam  alii  testes  non  accedant.  Ubi  igitur  illa  nobilitas  qua  praecellimus?  Huius,  qua  nunc  tangimur,  verecundiae  causam  Moses  proximo  capite  ostendet.  Nunc  satis  habet  dicere,  in  natura  integra  nihil  nisi  honorificum  fuisse:  unde  sequitur,  quidquid  in  nobis  probrosum  est,  esse  culpae  nostrae  imputandum,  quia  parentes  nostri  nihil  in  se  habebant  non  honestum,  donec  peccato  foedati  sunt.  CAPUT  III.  1.  Porro  serpens  erat  callidior  omni  bestia  agri,  quam  fecerat  Iehova  Deus:  et  dixit  ad  mulierem:  Etiamne  dixit  Deus:  Non  comedetis  ex  omni  arbore  horti?  2.  Et  dixit  mulier  ad  serpentem:  De  fructu  arborum  horti  vescimur:  S.  At  de  fructu  arboris  quae  est  in  medio  horti  dixit  Deus:  Non  comedetis  ex  ea,  neque  contingetis  eam,  ne  forte  moriamini.  4.  Tunc  dixit  serpens  ad  mulierem:  Non  moriendo  moriemini.  5.  Scit  enim  Deus  quod  in  die  qua  comedetis  ex  ea,  aperientur  oculi  vestri,  et  eritis  sicut  dii  scientes  bonum  et  malum.  6.  Et  vidit  mulier  quod  bona  esset  arbor  ad  vescendum,  et  quod  delectabilis  esset  oculis,  et  desiderabilis  arbor  ad  intelligendum:  et  tulit  de  fructu  ipsius,  et  comedit:  deditque  etiam  viro  suo  qui  erat  cum  ea,  et  ipse  comedit.  7.  Et  aperti  sunt  oculi  amborum  ipsorum,  et  cognoverunt  quod  nudi  essent:  et  consuerunt  folia  ficus,  feceruntque  sibi  cingula.  8.  Audierunt  autem  vocem  Iehovae  Dei  deambulantis  per  hortum  ad  auram  diei:  et  abscondit  se  Adam  et