22:51  51  INSTRUCTION  ET  CONFESSION  DE  FOY.  52  voir  est  eu  la  mortification  de  nostre  chair,  cest  a  dire  de  la  corruption  qui  est  engendree  avec  nous,  et  en  la  vivification  spirituelle  par  laquelle  la  nature  de  lhomme  est  restauree  en  integrite.  Il  nous  fault  doncques  toute  nostre  vie  mediter  que,  estans  mors  a  peche  et  a  nous  mesmes,  nous  vivions  a  Christ  et  sa  iustice.  Et  veu  que  ceste  regeneration  nest  iamais  accomplie  tant  que  nous  sommes  en  la  prison  de  ce  corps  mortel,  il  fault  que  le  soing  de  penitence  nous  soit  perpetuel  iusques  a  la  mort.  Comment  la  iustice  des  bonnes  oeuvres  et  de  la  foy  conviennent  ensemble.  Il  ny  a.  nulle  doubte  que  les  bonnes  oeuvres,  lesquelles  procedent  dune  telle  purete  de  conscience,  ne  soient  agreables  a  Dieu:  car  puis  quil  recognoist  en  nous46)  sa  iustice,  il  ne  peult  quil  ne  lapprouve  et  prise.  Toutesfois  il  se  fault  bien  soingneusement  garder  que  nous  soions  tellement  transportez  par  la  vaine  confiance  dicelles  bonnes  oeuvres,  que  nous  oublions  que  sommes  iustifiez  par  la  seule  foy  de  Christ:  car  il  ny  a  nulle  iustice  des  oeuvres  devant  Dieu,  sinon  celle  qui  corresponde  a  sa  iustice.  Par  quoy  il  ne  suifit  que  celluy  qui  cherche  estre  iustifie  par  oeuvres  produise  certaines  bonnes  oeuvres,  mais  il  luy  est  necessaire  quil  apporte  une  parfaicte  obeissance  de  la  Loy,  de  laquelle  certes  ceulx  sont  encores  tresloing  lesquelz  par  dessus  tous  les  aultres  ont  le  mieulx  proffite  en  la  Loy  du  Seigneur.  Davantaige  encores  que  la  iustice  de  Dieu  se  voulust  contenter  quil  luy  feust  satisfaict  par  une  seule  bonne  oeuvre,  le  Seigneur  toutesfois  ne  trouveroit  pas  mesme  une  seule  bon  *  oeuvre  en  ses  sainctz,  a  laquelle  pour  merite  qui  y  feust  il  donnast  louange  de  iustice.  Car  combien  que  cecy  puisse  sembler  estre  merveilleux  toutesfois  si  est  il  tresveritable,  cest  quil  ne  sort  nulle  oeuvre  de  nous  laquelle  soit  consommee  dentiere  perfection  et  qui  ne  soit  infecte  de  quelque  tache.  Par  quoy  veu  que  nous  sommes  tous  pecheurs  et  garnis46)  de  plusieurs  restes  de  pechez,  il  fault  que  nous  soions  iustifiez  hors  de  nous:  cest  a  dire  que  nous  ayons  tousiours  affaire  de  Christ,  par  la  perfection  duquel  nostre  imperfection  soit  couverte,  par  la  purete  duquel  nostre  immundicite  soit  lavee,  par  lobeissance  duquel  nostre  iniquite  soit  effacee,  finalement  pour  la  iustice  duquel  iustice  nous  soit  imputee  gratuitement,  sans  nulle  consideration  de  noz  oeuvres  qui  ne  sont  pas  nullement  de  telle  valleur  quelles  puissent  subsister  au  iugement  de  Dieu.  45)  in  illis.  46)  aspersi.