20:51  51  EPISTOLAE  3972-3974  52  Quum  igitur  ventum  esset  ad  locum  ubi  erant  domini  nostri  et  compoeitores,  omnesque  professores  et  aliquot  alii:  post  actas  gratias  iis  quibus  debebantur,  dixi  me  subscripturum,  sed  praemissa  prius  hac  protestatione:  primum,  me  nolle,  ut  hac  mea  subscriptione  aliquod  fiat  praeiudicium  aliis  ecclesiis,  academiis,  et  veritati,  deinde  nolle  ut  aliquid  derogetur  illi  doctrinae,  quam  hic  Argentinae  docui  per  octennium,  et  quae  continetur  in  meis  praelectionibus,  disputationibus,  confessionibus:  postremo  ut  mihi  liceat  tam  Augustanam  confessionem,  Apologiam  et  articulos  concordiae,  quam  hos  praesentes  articulos,  interpretari  iuxta  regulam  verbi  Dei,  doctrinam  Augustini,  Lutheri  et  Buceri.  Deinde  conditionaliter  subscripsi  in  haec  verba:  Hanc  doctrinae  formulam,  ut  piam  agnosco,  ita  etiam  recipio:  Ego  Hieron.  Zanchius.  Postridie  condonatis  omnibus  iniuriis,  datae  fuerunt  dexterae  societatis  et  (ptXaoeXcpiac.  Ita  compositum  fuit  dissidium,  ut  nihil  detractum  sit  de  veritate  doctrinae.  Interim  tamen  non  desunt  qui  improbent  factum  :  sed  isti  non  perpendunt,  quid  sit  illud:  Christus  non  sibi  placuit,  neque  cogitant,  quanta  mala  secum  adferant  dissidia.  Our  propter  pacem  inter  tot  et  ministros  et  professores  unius  civitatis,  non  debuissent  Augustanae  confessioni  et  eius  Apologiae  subscribere,  eo  praesertim  modo  quo  subscripsi  :  et  admissa  mea  a  composifcoribus  explicatione,  et  deinde  etiam  protestatione?  Offenduntur  illis  verbis  Apologiae:  Corpus  Christi  adesse  in  coena  vere  et  substantialiter.  At  ego  explicavi  quo  pacto  admitti  possint:  et  illud  dici  praesens  esse  vere  et  substantialiter  participatur.  4)  Quum  sol  est  supra  nostrum  hemisphaerium,  et  suum  verum  et  substantiale  corpus  nobis  visendum,  et  per  corpus  calorem  atque  lucem  participandam  communicat,  an  non  dicimus  et  quidem  recte:  solem  nobis  esse  praesentem  vere  et  substantialiter?  quemadmodum  et  contra,  quum  progressus  ad  aliud  hemisphaerium,  quia  non  amplius  sese  videndum  et  participandum  nobis  communicat,  dicimus  abesse  :  quum  tamen  quoad  localem  propinquitatem  aut  longinquitatem,  tam  procul  distet  a  nobis,  quum  est  supra  nostrum,  quam  quum  est  supra  aliud  hemisphaerium?  Quid  igitur  prohibet,  quin  etiam  dicamus  corpus  Christi  adesse  vere  et  substantialiter  illis  quibus  vere  et  substantialiter  se  communicat?  At,  inquiunt,  alii  non  ita  intelligunt  et  interpretantur  ut  tu.  Neque  ego  subscripsi,  aliorum  interpretationibus,  sed  tantum  verbis  Augustanae  confessionis,  idque  iuxta  illum  sensum  quem  ego  pium  esse  agnosco,  et  interpretatio  mea  fuit  admissa.  Aliter  certe  Calvinus  iudicat,  cuius  iudicium  longe  4)  Ete  evidenter  error  in  textu.  Sensum  assequi  potens  ex  loco  simili  in  ep.  ad  Garnenum  N.  3978.