13:51  51  EPISTOLAE  1075.1078  52  liam.  Hoc  pessimum,  quod  non  libenter  modo,  sed  avide  audiuntur,  qui  nos  totumque  nostrum  ordinem  perstringunt.  Fuit  tempus,  quum  nemo  adversus  ministros  mutire  auderet.  Nunc  nulla  prope  oratio  magis  favorabilis.  Et  Satan  novas  semper  occasiones  excudit.  In  coniugio  Macrini3)  coacti  sumus  eos  qui  parum  alias  amici  erant  valde  exacerbare.  Pronunciavit  senatus  nullum  esse  coniugium,  in  quo  solennis  sponsio  intervenerat:  partitusque  liberam  fecit  alibi  contrahendi  facultatem.  Praetextus  est  in  affinitate  satis  remota:  nam  uxor  quae  illi  mortua  est,  consobrina  erat  matris  puellae,  de  qua  nunc  agitur.  Rogavi  quo  iure  tantum  sibi  permisissent.  Et  de  tota  causa  habita  est  a  nobis  in  curia  gravis  oratio:  nihil  tamen  impetratum.  Interea  regerunt  nos  in  hominis  gratiam  importunius  contendere.  Sed  haec  cum  aliis  sunt  devoranda.  Hoc  boni  saltem  habemus,  quod,  quidquid  moliantur,  sacrae  conciones  si  quando  fuerunt  frequentes,  nunc  sunt  frequentissimae.  Si  quando  tibi  commodum  erit  nos  invisere,  gratissimus  erit  tuus  adventus.  Ut  venias,  nisi  pro  tua  opportunitate,  instare  non  audeo.  Si  tamen  vel  minima  se  offeret  occasio,  nolim  eam  praetermittas.  Vale,  frater  mihi  in  Domino  carissime,  una  cum  familia  tua,  Christophoro,  Fatono,  et  reliquis  symmystis  nostris.  Dominus  vos  omnes  tueatur  perpetuo,  vestrisque  sanctis  laboribus  benedicat.  8.  Septembris.4)  Ioannes  Calvinus  tuus.  1076.  HALLERUS  BULLINGERO.  In  negotio  Bernenses  inter  et  Lausannenses  ministros  pendente  ipse  inter  sacrum  et  saxum  stat  et  weutris  potest  satisfacere.  *(Excerpta  ex  autographo  Arch.  Turic.  Plut.  v  i  .  Vol  154,  olim  Scrin.  B.  Epp  Tom.  32,  fol.  81.  .  Simler.  Vol.  68.)  3)  Laurentius  Meigret  {le  Magnifique)  in  matrimonio  habuerat  Margaretam  filiam  Petri  Scarron  de  Pregny.  Post  cuius  mortem  quum  aliam  duxisset,  consistorium  Gaiense  hoc  coniugium  diremit  Calvinus  senatum  adiit  ut  apud  Bernenses  de  hoc  iudicio  reformando  interveniret.  Sed  frustra  :  Quant  a  co  quil  a  parle  de  fere  responce  aut  consistoire  de  Gex  sus  le  mariage  du  Magnifique,  resoluz  que  lon  demoure  a  ce  quest  fayct  et  si  les  ministres  veullent  escripre  en  particulier  quilz  le  peuvent  fero  sans  blasmer  la  seigneurie.  (Reg.  du  conseil  30.  Aug.  et  6.  Sept.)  Cf.  quoque  Galiffe  not.  gen.  III.  435.  4)  De  anno  constat  ex  Commentariis  senatus.