11:51  EPISTOLAE  221.222  Optimo  fratri  meo  GL  Farello  Neocomensis  ecclesiae  pastori  integerrimo  et  fidelissimo.  Postquam  Ferdinandus  duodecim  circiter  dies  Haganoae  principes  exspectavit  *)  venerunt  pauci  quibus  aut  in  animo  est  res  novare,  aut  Caesari  approbare  suam  obedientiam.  De  Electoribus  nullum  adhuc  pertrahere  potuit,  praeter  unum  Palatinum.  Moguntinus  saepius  vocatus  semper  excusavit  quantum  audio.2)  Coloniensis  et  Treverensis  spem  dubiam  fecerunt.3)  Saxo  nominatim  caveri  sibi  voluit  ne  adventus  suus  fraudi  suae  intercessioni  foret,  quam  in  electione  regis  interposuit.  Ad  Caesarem  vero  communes  cum  Landgravio  literas  misit,  quibus  uterque  simul  significat,  se  non  aliam  pacificationis  viam  aut  cernere  aut  ingredi  posse  quam  quae  Francfordiae  proposita  fuerat.  Itaque  si  in  eam  rem  iusta  imperii  comitia  Caesar  indicat,  libenter  .se  adfuturos:  nunc  minus  sibi  datum  esse  temporis,  quam  ut  sociis  suis  denunciare  possint:  nihil  ergo  aliud  sibi  restare  quam  ut  legatos  suos  mittant  cum  paucis  theologis,  ne  quid  videantur  detrectare:  se  tamen  et  theologis  et  legatis  et  nunciis  quibuslibet  fidem  publicam  petere,  ne  violentur.  Hodie  profecti  sunt  legati.4)  Ubi  venerit  Philippus0)  proficiscentur  theologi.  Iam  venit  Blaurerus.  Alii  propediem  exspcctantur.  Rogati  fuerant  a  nostris  Tigurini  et  Bernates,  sed  renunciarunt,  se  non  venturos.  Hoc  ideo  dico  ne  quid  officii  putes  esse  praetermissum.  Nominatim  etiam  Basihensibus  scriptum  ne  Carolstadium  mitterent.  Nunc  consultat  adversa  factio,  quo  genere  certaminis  aut  qua  parte  nos  adoriatur.  Nostri  se  ad  amicam  compositionem  paratos  esse  ostendent,  modo  ne  quid  veritati  decedat.  Caesari  non  tantum  otii  erit  a  rege  nostro,  ut  possit  vires  suas  in  nostros  conferre.  Nondum  inter  eos  quidem  est  bellum,  sed  emergunt  semina,  et  ea  praesidia  noster  ille  sibi  conciliat,  quae  dum  amicitia  illi  cum  fratre  erat  contempsit,  et  hodie  contemneret,  si  eadem  maneret.  Baifius,6),  qui  legatione  in  conventu  fungitur,  huc  venturus  est  ad  tentandum  vadum,  ut  221.  1)  Prima  aulae  caesareae  cautela  fuit  ut  catholici  non  eo  die  qui  protestantibus  praefinitus  fuit  (6.  lun.)  sed  23.  Maii  Hagenoae  adesse  iuberentur,  ut  cum  iis  agi  possent  quae  exI  edire  viderentur.  (Seckend.  III.  270.  seqq.  Sleidan.  IL  88.  seqq.  2)  Anglus  addit:  that  is  he  stoutly  refused.  3)  stood  in  doubt.  4)  Argentoratenses.  5)  gravi  morbo  in  itinere  retentus  Vinariae.  Camerar.  Vita  Mel.  ed.  Strobel  p.  185.  Schmidt,  Mel  p.  369.  Corpus  Mes.  UI.  Annal  p.  17.  6)  Anglus  male  Baisius,  etiam  in  notis.  .  Lazare  Bayfe,  conseiller  et  maistre  des  requestes,  Hagenoam  missus  fuerat  a  Francisco  ut  utrique  parti  bona  verba  daret,  utramque  ludificaturus.  His  ipsis  Cal  luniis  promulgatum  est  crudele  regis  edictum  in  haereticos  (d.  d.  Fontainebleau).