6:509  REFORMANDAE  ECCLESIAE.  alias  causas  imaginamur,  cur  ita  nos  Deus  affligat.  Verum,  si  cogitamus  quam  leve  fuerit  erratum  illud'quo  vitiaverant  sacram  coenam  Corinthii:  praeut  sunt  tot  inquinamenta,  quibus  hodie  inter  nos  foedata  pollutaque  est,  mirum,  nisi  agnoscimus,  Deum,  qui  tam  severe  in  illos  vindicavit,  merito  nobis  esse  magis  iratum.  Regiminis  ecclesiastici  corruptela  quam  flagitiosa  fuerit,  si  velim  persequi,  infinitam  sylvam  ingrediar.  De  vita  sacerdotum,  propter  multas  causas,  hic  dicere  supersedeo.  Haec  tria  vitia  quam  non  ferenda  sint,  expendere  pro  se  quisque  potest:  quod,  sublato  iustae  vocationis  ordine,  passim  sacerdotia  aut  per  vim,  aut  simoniam,  aut  per  fraudem,  aut  per  alias  1)  improbas  et  sceleratas  artes  occupantur:  quod  qui  praesunt,  inanes  potius  sunt  umbrae,  quantum  ad  munus  suum  exsequendum  pertinet,  vel  mortua  simulacra,  quam  veri  ministri:  tandem  quod,  quum  verbo  Dei  gubernare  conscientias  debeant,  iniusta  eas  tyrannide  opprimunt,  et  multis  impiarum  legum  vinculis  [pag.  97]  constrictas  tenent.  Itane,  ut  non  modo  spretis  Dei  et  hominum  legibus,  sed  proiecta  omni  verecundia,  foeda  confusio  in  promovendis  episcopis  et  presbyteris  regnet,  libido  pro  iure  valeat,  raro  absit  simonia,  et  tanquam  levia  essent  haec  mala,  correctio  in  futurum  saeculum  differatur?  Iam,  ubi  iacet  docendi  cura,  quae  restat  amplius  ministerii  species?  Iam  pro  spirituali  conscientiarum  libertate,  videmus  quot  certamina  Paulus  susceperit,  quantaque  contentione  ea  exagitet.  At,  qui  adhibuerit  in  iudicando  aequitatem,  intelliget  profecto  longe  nunc  iustiores  nos  habere  contendendi  causas.  In  tanta  ergo  totius  piae  doctrinae  depravatione,  in  tam  nefaria  pollutione  sacramentorum,  in  tam  deplorata  ecclesiae  calamitate,  qui  nos  tam  vehementer  commoveri  oportuisse  negant,  iis  non.  aliter  potuknus  satisfacere,  nisi  ut  Dei  cultum,  Christi  gloriam,  salutem  hominum,  totam  sacrorum  et  ecclesiae  administrationem  perfida  patientia  proderemus.  Speciosum  est  moderationis  nomen,  pulchra  et  laudabilis  virtus,  tolerantia:  sed  tenenda  est  regula:  usque  ad  aras:  hoc  est,  ne  sacrum  Dei  nomen  proscindi  impiis  blasphemiis,  aeternam  eius  veritatem  suffocari  diaboli  mendaciis,  Christum  conspui,  inquinari  eius  mysteria,  crudeliter  interfici  miseras  animas,  ecclesiam  lethaliter  sauciatam  cum  ultimo  exitio  luctari,  patienter  feramus.  Non  enim  haec  esset  mansuetudo,  sed  earum  rerum  incuria,  quibus  omnia  posthaberi  oportet.  Hactenus,  quod  proposueram,  satis  ostendisse  [pag.  98]  me  confido:  nos  in  corrigendis  ecclesiae  1)  Sic  etiam  Gallus  et  Gallasius  qui  tamen  scribit:  aut  per  simoniam.  Beza  et  recentiores  omiserunt:  aut  per  fraudem.