55:509  509  EPITRE  DE  IUDE  510  C'est  la  raison  pourquoy  ilz  avoyent  meilleur  besoing  de  bien  batailler  que  iamais,  pour  ce  qu'ilz  estoyent  assailliz  par  les  tentations  qui  s'ensuyvent.  Car  ce  sont  grandes  et  dangereuses  pestes  de  l'Eglise  que  gens  de  perverse  vie  et  faulse  doctrine,  principalement  telz  con  tem  teurs  de  toute  religion,  comme  les  descrit  icy  l'Apostre.  Car  il  leur  impose  d'avoir  converty  la  grace  de  Dieu  en  dissolution:  C'est  a  dire  d'avoir  abuse  de  la  grace  de  Dieu,  et  de  la  liberte,  qu'il  a  donnee  a  noz  consciences,  a.  insolence  et  toute  licence  de  mal  faire.  D'estre  gens  sans  piete:  C'est  a  dire  ne  craignans  Dieu.  Finalement,  ayans  renonce  la  domination  d'un  seul  Dieu,  ne  le  recongnoissant  point  pour  celuy  auquel  nous  devons  servir,  et  auquel  comme  iuste  Iuge  fauldra  rendre  compte  de  nostre  vie.  Et  aussi  d'avoir  reiette  le  ioug  de  Christ,  lequel  par  iceluy  nous  a  ete  constitue  Seigneur  et  Maistre.  Il  dit  d'advantage,  qu'ilz  avoyent  long  temps  auparavant  este  predestinez  a  telle  confusion,  par  ce  que  nostre  Seigneur  a  preordonne  la  ruyne  certaine  a.  tous  ceux  qui  n'obeiront  a  son  sainct  Evangile:  et  a  en  son  iugement  eternel  determine  quelle  seroit  l'issue  de  leur  perversite  et  malice.  Or  ie  vous  vueil  reduire  en  memoire,  pour  vous  faire  scavoir  cela  une  fois,  que  le  Seigneur  ayant  delivre  d'Egypte  le  peuple,  depuis  a  destruict  ceux  qui  ne  croyoyent  pas.  Pour  les  induire  a  craindre  le  iugement  de  Dieu,  afin  que  legierement  ne  se  destournassent  de  la  grace  qu'il  leur  avoit  faicte,  il  leur  propose  l'exemple  du  peuple  d'Israel.  Pour  la  delivrance  duquel,  combien  que  nostre  Seigneur  eust  faict  de  grandes  oeuvres  et  miracles,  toutesfois  il  n'a  pas  laisse  de  punir  sa  rebellion  et  incredulite.  Mesmes  la  vengeance  a  este  d'autant  plus  griefve,  a  cause  qu'un  tel  benefice  n'avoit  de  rien  profite  envers  luy,  pour  l'entretenir  a  honnorer  Dieu,  et  le  glorifier  comme  il  appertenoit.  Les  punitions  que  le  Seigneur  a  faict  au  desert  sont  recitees  en  somme  au  dixiesme  de  la  premiere  aux  Corinthiens.  Et  les  Anges  qui  n'ont  pas  garde  leur  commencement,  mais  ont  delaisse  leur  domicile,  il  les  a  mis  en  garde  en  obscurite  et  soubs  liens  eternels  iusques  au  iugement  du  grand  Iour.  Comme  premierement  il  a  monstre  que  si  le  Seigneur  n'a  pas  pardonne  a  son  peuple  d'Israel,  lequel  il  avoit  choisi  entre  toutes  nations  de  la  terre,  que  non  plus  ne  nous  pardonnera  il,  si  nous  ensuyvons  une  mesme  iniquite:  maintenant  il  en  donne  encore  une  plus  grande  raison.  Car  il  n'a  pas  mesme  espargne  ses  propres  Anges,  incontinent