40:509  509  IN  EZECHIELIS  PROPH.  CAP.  XX.  510  pheta  illic  asserit  Deum  esse  humanum  erga  Israelitas.  Sed  quia  multi  hypocritae  tunc  gloriabantur  se  esse  ecclesiae  membra:  ideo  per  modum  correctionis  restringit  sententiam  illam,  et  non  alios  censet  veros  Israelitas,  nisi  qui  recto  sunt  corde:  sicuti  et  Psalmo  15,  1  et  24,  3,  idem  repetitur,  Quis  adscendet  in  montem  Domini?  Atqui  promiscue  una  cum  sinceris  Dei  cultoribus  se  ingerebant  perfidi  et  scelerati  homines.  Sed  illic  excludit  eos  propheta  a  catalogo  fidelium,  quia  non  alios  dicit  fixam  stationem  habituros  in  sanctuario  Dei,  nisi  qui  sunt  integri  corde,  et  puri  manibus.  Eodem  quoque  sensu  ante  propheta  docuit,  quamvis  hypocritae  superbe  iactarent  se  esse  ex  Dei  populo,  nomina  tamen  illorum  non  esse  scripta  in  arcano  catalogo  populi  Dei.  Nunc  ergo  videmus  quomodo  optime  conveniant  quae  videntur  inter  se  pugnare,  nempe  nihil  profuturum  Israelitis,  quod  tandem  redimet  ipsos  Dominus  e  tyrannide  gentium:  et  tamen  venturos  in  montem  Israel,  ut  sincere  illum  colant.  Nam  hic  duplex  Israel  nobis  ponitur  ante  oculos.  Multi  enim  titulo  tenus  erant  tunc  Israelitae.  Sed  nunc  disserit  propheta  de  electis,  quos  Paulos  vocat  reliquias  gratiae.  In  monte,  inquit,  sanctitatis  meae,  in  monte  excelso  Israel.  Montem  excelsum  vocat  non  quod  altitudine  superaret  alios  montes.  Scimus  enim  montes  in  terra  Israel  fuisse  excelsos.  Erat  autem  Sion  collis  duntaxat,  et  quidem  exiguus.  Sed  alibi  vidimus  praeferri  montibus  praecipuis,  eo  quod  excelleret  dignitate.  Non  respexit  igitur  propheta  noster  ad  cacumen  montis  Sion,  sed  ad  singularem  gloriam,  qua  ornatus  erat:  quasi  diceret,  Deum  illic  residere,  ut  eius  gloria  emineat  supra  omnem  mundi  altitudinem.  Interea  non  dubito  oblique  opponi  hoc  epitheton  excelsis,  quae  passim  sacrata  fuerant,  ut  ante  vidimus.  Quum  ergo  populus  erigeret  sine  delectu  altaria  in  omnibus  locis  editis,  hic  Deus  unum  montem  excelsum  opponit  tot  illis  montibus,  quorum  altitudo  deceperat  miseros  homines,  ut  illic  putarent  se  propiores  esse  coelo.  Haec  igitur  ratio  est  cur  nominet  montem  excelsum.  Dicit,  illic  colent  me  tota  domus  Israel,  tota,  inquam,  in  terra.  Non  mirum  est  sine  exceptione  hic  poni  totam  domum  Israel,  quia  ut  dictum  fuit,  non  comprehendit  propheta  eos  omnes,  qui  superbiebant  tali  elogio:  sed  tantum  designat  puros  Dei  cultores,  qui  filii  erant  spirituales  Abrahae.  Hic  autem  Deus  consensum  fidei  describit  in  cunctis  fidelibus:  ac  si  diceret  fore  novum  populum,  qui  non  sequetur  varias  speculationes,  ut  ante  singuli  erraverant  in  suis  superstitionibus:  sed  fore  unam  regulam  omnibus  communem.  Ita  docemur  hoc  loco  non  aliter  placere  Deo  nostrum  cultum,  nisi  intenti  ad  simplicem  fidei  consensum  quasi  uno  ore  celebremus  eius  nomen.  Impii  quoque  saepe  alii  aliis  subscribunt:  sed  non  respiciunt