37:509  509  IN  IEREMIAM.  CAP.  II.  510  Aristoteles,  quod  receptum  et  consuetudine  et  continuo  usu.  Ergo  videmus  non  absurde  fuisse  obiectum  levitatis  crimen  Iudaeis  ab  Ieremia,  quum  dicit,  Nullam  gentem  mutasse  fictitios  deos:  Deum  autem  fuisse  abnegatum  a  populo  suo,  cuius  fuerat  gloria,  hoc  est,  cui  dederat  solidam  gloriae  materiam.  PRECATIO.  Da,  omnipotens  Deus,  quando  ita  familiariter  non  tantum  in  lege  et  prophetis  tuis,  sed  etiam  in  filio  unigenito  te  nobis  patefecisti,  ut  debeat  iam  egisse  in  nobis  altas  radices  veritatis  tuae  cognitio:  da,  inquam,  ut  maneamus  constanter  in  sancta  tua  vocatione,  et  magis  ac  magis  in  ea  proficiamus,  et  semper  ad  metam  properemus:  et  sic  nos  humilies  sub  forti  tua  manu,  ut  sciamus  nos  paterne  abs  te  castigari:  et  proficiamus  etiam  in  tua  disciplina,  donec  tandem  purgati  omnibus  vitiis  perveniamus  ad  vitam  immortalem,  quae  nobis  semel  in  Christo  tuo  manifestata  fuit,  et  possimus  pleno  ore  in  te  gloriari,  Amen.  12.  Obstupescite  coeli  super  hoc,  et  expavescite,  desolamini  (vel  arescite)  valde,  dicit  Iehovah.  Quoniam  videbat  propheta  negotium  sibi  esse  cum  stupidis  hominibus,  et  qui  fere  omni  sensu  privati  erant,  ideo  convertit  sermonem  ad  coelos.  Et  haec  loquendi  ratio  satis  trita  est  prophetis,  dum  scilicet  compellant  coelum  et  terram,  in  quibus  tamen  nulla  est  intelligentia,  interea  homines  ipsos  mente  praeditos  relinquunt.  Hoc  solent  facere  in  rebus  desperatis,  ubi  scilicet  nulla  est  docilitas,  et  ideo  nunc  iubet  propheta  coelos  obstupescere  et  expavescere,  et  quasi  in  vastitatem  redigi,  quasi  diceret,  hoc  est  portentum,  quod  fere  evertit  totum  naturae  ordinem,  perinde  ac  si  coelum  terrae  misceri  videremus.  Nunc  ergo  tenemus  consilium  prophetae:  nam  hac  figura  ostendere  vult  quam  detestabilis  sit  populi  impietas,  quoniam  coeli  quamvis  ratione  praediti  non  sint,  tamen  merito  debeant  horrere  tale  portentum.  Quantum  ad  verba  spectat,  quidam  vertunt,  Desolamini  coeli,  et  iterum  repetunt  eandem  significationem.  Sed  quum  Qftfc?  significet  stupere,  melius  quadrat  praesenti  loco  quod  reddidi,  nempe,  Coeli  sitis  attoniti:  deinde,  expavescite  super  hoc,  et  arescite.  Nam  mn  significat  arescere,  interdum  in  solitudinem  et  vastitatem  redigi.  Postea  sequitur,  13.  Certe  (vel  quia)  duo  mala  fecit  populus  meus:  me  dereliquerunt  fontem  aquarum  viventium,  ut  foderent  sibi  puteos  (vel  cisternas),  cisternas  contritas  (vel  confractas)  quae  non  continent  aquas.