35:509  509  IOB  CHAP.  XLII.  510  despiter,  et  a  estre  solicitez  a  desespoir,  ou  bien  a  nous  rebecquer  contre  Dieu:  pensons  a  ce  que  nous  avons  leu  de  Iob  et  de  sa  patience.  Car  si  nous  saisons  comparaison  de  tous  les  maux  que  nous  pouvons  endurer:  il  est  certain  que  Dieu  a  voulu  ici  mettre  un  miroir  qui  surmontast  toutes  les  tentations  et  fascheries  qui  adviennent  iournellement  aux  fideles.  Voici  Iob  d'un  coste  despouille  de  toute  sa  substance:  il  estoit  riche,  et  comme  un  prince  au  pays:  il  est  destitue  iusques  au  bout,  il  n'a  ne  maison  ne  rien  qui  soit:  apres  le  voila  aussi  bien  desole  quant  a  ses  enfans:  sa  femme  le  despite  et  luy  est  contraire:  en  son  corps,  le  voila  comme  une  povre  charongne  pourrie,  qu'on  ne  daigne  pas  le  regarder:  comme  nous  avons  veu  qu'il  se  plaignoit,  que  sa  peau  estoit  attachee  aux  os,  et  mesmes  qu'il  a  este  dit  qu'il  racloit  la  pourriture  de  sa  chair.  Voila  un  terrible  spectacle:  mais  ce  n'est  point  le  principal  de  ce  que  Iob  souffre  et  en  ses  biens,  et  en  ses  enfans,  et  en  sa  femme,  et  en  son  corps  :  cela  n'est  rien  au  pris  de  cest'  angoisse  qu'il  endure  quand  il  voit  que  Dieu  luy  est  contraire:  et  c'est  la  aussi  ou  il  s'est  adresse,  quand  il  faisoit  ses  complaintes.  Comment?  disoit-il.  Que  Dieu  ne  m'oste-il?  Que  ne  suis-ie  rase  du  monde?  Fautil  que  ie  languisse  ici  tant?  Et  puis  que  ie  ne  suis  qu'une  povre  creature  fragile,  pourquoi  est-ce  que  Dieu  me  presse  si  grievement?  Iob  donc  estoit  en  tel  trouble,  quand  il  voyoit  que  Dieu  estoit  sa  partie  adverse,  et  que  de  son  coste  il  ne  savoit  pourquoi.  Or  puis  qu'ainsi  est,  il  ne  nous  doit  point  faire  mal,  quand  nous  serons  moyennement  affligez,  que  Dieu  selon  nostre  infirmite  nous  chastiera  chacun  de  nous  en  son  endroit:  nous  ne  devons  point  trouver  cela  estrange  :  mais  revenons  a  ceste  histoire  qui  a  este  escrite  pour  nostre  instruction:  et  la  dessus  regardons  la  fin:  car  si  nous  ne  contemplions  sinon  ceste  extremite  en  laquelle  Iob  a  este  du  temps  que  Dieu  le  persecutoit,  helas  nous  serions  tout  effrayez,  il  n'y  a  celui  qui  ne  quittast  tout.  Et  que  profite-on  de  servir  a  Dieu,  veu  qu'il  faut  que  ceux  qui  auront  chemine  en  sa  crainte  soyent  les  plus  malheureux?  Mais  quand  nous  regardons  l'issue,  voila  en  quoi  nous  avons  a  nous  consoler:  c'est  qu'en  premier  lieu  (comme  nous  avons  dit)  les  afflictions  sont  temporelles  pour  les  enfans  de  Dieu  :  et  puis  elles  leur  servent  de  medecines,  et  l'issue  en  est  tousiours  heureuse:  tellement  qu'ils  ont  tousiours  dequoi  glorifier  Dieu,  non  seulement  quand  il  les  delivre,  mais  aussi  d'autant  qu'il  mortifie  toutes  leurs  mauvaises  concupiscences:  et  qu'aussi  en  cela  ils  ont  meilleure  confirmation  de  la  doctrine  entant  que  nostre  Seigneur  Iesus  estant  l'image  vive  de  tous  fideles  et  enfans  de  Dieu,  ils  sont  conformez  a  lui:  comme  S.  Paul  en  traitte  au