32:509  509  SUR  LE  PSEAUME  CXIX.  510  donne  sa  Parole  :  mais  cependant  nous  ne  laisserons  pas  d'estre  aveugles,  n'y  cognoissans  rien,  iusqu'a  ce  qu'il  donne  ouverture  en  nos  esprits:  car  quand  il  n'y  aura  que  nostre  sens  et  nostre  naturel  qui  gouverne,  quelle  bestise  y  aura-il  entre  les  hommes?  Voyla  donc  comme  nous  serons  mieux  instruits  a  humilite,  quand  la  doctrine  sera  bien  imprimee  en  nos  coeurs.  Tant  y  a  que  cecy  n'a  point  este  dit  en  vain,  mais  afin  que  nous  soyons  admonestez  a  l'exemple  de  David,  de  nous  presenter  a  Dieu:*  et  en  confessant  que  nous  ne  sommes  point  capables  de  rien  cognoistre,  sinon  qu'il  y  mette  la  main,  que  nous  le  prions,  que  par  son  sainct  Esprit  il  nous  ouvre  les  yeux.  Et  afin  que  cela  ne  fust  trouve  estrange,  que  David  demandoit  que  les  yeux  luy  fussent  ouverts,  il  monstre  que  ceste  sagesse  qui  est  contenue  en  la  Loy*  de  Dieu,  est  trop  haute  pour  les  hommes,  voire  combien  qu'ils  pensent  estre  aigus  et  subtils.  Et  pourtant  il  dit,  Seigneur,  ouvre-moy  les  yeux,  afin  que  ie  considere  les  merveilles  de  ta  Loy.  Pourquoy  use-il  de  ce  mot  de  Merveilles?  c'est  comme  s'il  disoit:  Combien  que  le  monde  tienne  la  Loy  de  Dieu  pour  une  chose  iegiere,  et  luy  semble  que  ce-  ne  soit  quasi  que  pour  les  idiots,  et  pour  les  petis  enfans  :  toutesfois  que  luy  l'estime  une  sagesse  qui  surmonte  tout  son  sens,  qu'il  y  a  la  des  secrets  admirables.  Autant  en  est  dit  de  l'Evangile:  et  non  sans  cause.  Et  de  fait,  ce  qui  nous  est  auiourd'huy  declaire  plus  a  plein  en  l'Evangile,  estoit  desia  contenu  en  la  Loy:  seulement  c'estoyent  des  ombrages  plus  obscurs,  qu'ils  ne  sont  pas  depuis  la  venue  de  nostre  Seigneur,  Iesus  Christ.  Mais  cependant  si  est-ce  que  ceste  sagesse  n'a  point  change,  comme  Dieu  aussi  n'est  point  muable,  ce  n'est  pas  donc  sans  cause  que  toute  l'Escriture  saincte  est  nommee  une  sagesse,  que  les  Anges  mesmes  de  paradis  ont  en  admiration.  Or  si  ies  Anges  sont  estonnez  des  secrets  contenus  en  l'Escriture  saincte,  ie  vous  prie  quelle  reverence  est-ce  qu'elle  merite  d'avoir  entre  les  hommes  mortels?  Nous  ne  sommes  que  povres  vers  de  terre  qui  rampons  yci  bas.  Si  on  fait  comparaison  de  nous  avec  les  Anges  et  que  sera-ce?  Or  voyla  les  Anges  qui  sont  ravis  en  estonnement  pour  ceste  sagesse  qui  est  en  la  Parole  de  Dieu,  et  cependant  nous  n'en  tiendrons  conte,  cependant  nous  estimerons  que  ce  soit  une  chose  basse  et  puerile.  D'autant  plus  donc  nous  faut-ii  bien  noter  ce  mot  de  David,  que  la  doctrine  de  la  Loy  n'est  pas  comme  les  hommes  la  reputent:  c'est  a  dire,  une  chose  dc  petite  valeur,  ou  une  doctrine  vulgaire,  mais  qu'il  y  a  une  sagesse  admirable,  qu'il  y  a  des  secrets  lesquels  nous  doyvent  ravir,  d'autant  qu'ils  surmontent  de  beaucoup  nostre  sens.  Mais  qui  est  cause  que  les  hommes  estiment  si  peu  la  Loy  de  Dieu,  c'est  a  dire  toute