9:508  duodecim  toto  orbe  volitat  mea  interpretatio  in  illa  quae  citat  Pauli  verba  :l)  Hic  locus  aperte  ostendit,  si  quis  alius,  quid  significet  Dei  dextra:  non  locum  scilicet  aliquem,  sed  potestatem  quam  pater  Christo  contulit,  ut  coeli  et  terrae  imperium  administret.  Nam  quum  dextra  Dei  coelum  et  terram  impleat,  sequitur  regnum  Christi  ubique  diffusum  esse,  atque  etiam  virtutem.  Unde  perperam  faciunt  qui  ex  sessione  ad  dexteram  Dei  conantur  probare  Christum  non  nisi  in  coelo  esse.  Est  quidem  id  verissimum  in  coelo  esse  Christi  humanitatem,  non  esse  in  terra:  sed  probatio  illa  non  convenit.  Nam  quod  mox  sequitur,  In  coelestibus,  non  eo  tendit  ut  Dei  dextram  coelo  includat,  ete.  Pergit  gnaviter  in  sua  impudentia,  et  ex  eadem  Epistola  locum  alterum  adiungens,  mihi  contrarium  esse  fingit.  Atqui  interpretatio  in  manibus  versatur,  cuius  summam  inserere  libet:2)  Quoniam  Implere  saepe  Perficere  significat,  posset  hic  quoque  sic  accipi.  Nam  suo  in  coelum  ascensu  Christus  possessionem  adiit  datae  sibi  a  patre  dominationis,  ut  omnia  regat  sua  virtute.  Elegantior  tamen  meo  iudicio  erit  sensus,  si  duo  in  speciem  contraria  iungantur,  quae  tamen  re  ipsa  inter  se  congruunt.  Nam  quum  audimus  adscensum  Christi,  protinus  in  mentem  venit  eum  procul  a  nobis  remotum  esse:  et  est  etiam  sane  quoad  corpus  et  humanam  praesentiam.  Paulus  autem3)  [pag.  77]  admonet  ita  subductum  fuisse  a  nobis  corporali  praesentia,  ut  omnia  tamen  impleat  :  nempe  spiritus  sui  virtute.  Nain  quacunque  patet  Dei  dextra,  quae  coelum  et  terram  complectitur,  diffusa  est  spiritualis  Christi  praesentia,  et  ipse  immensa  virtute  sua  adest:  utcunque  corpus  coelo  comprehendi  oporteat,  secundum  Petri  sententiam  (Act.  3,  21).  Si  quis  autem  quaerat,  an  corpus  Christi  sit  infinitum  ut  divinitas,  respondet  non  esse  :  quia  corpus  Christi,  considerata  per  se  humanitate  eius,  non  sit  in  lapide,  grano  et  plantis.  Quid  sibi  vult  particula  vel  exceptio  haec,  nisi  corpus  Christi  naturaliter,  quatenus  considerabitur  per  se  humanitas,  non  esse  infinitum,  sed  unionis  hypostaticae  respectu?  Atqui  vetusti  scriptores,  dum  carnem  Christi,  ut  sit  vivifica,  mutuari  a  divino  eius  spiritu  tradunt,  de  hac  immensitate  nullum  faciunt  verbum  :  quia  tale  portentum  nemini  venit  in  mentem.  Quoniam  fateri  cogitur  Heshusius  nodum  hunc  sibi  esse  inexplicabilem,  similibus  dissimillimis  elabitur.  Quomodo  simplex  Dei  essentia  tribus  personis  constet:  quomodo  creator  et  creatura  sint  una  persona:  quomodo  mortui,  qui  ante  mille  annos  in  nihilum  redacti  sunt,  resurrecturi  sint,  comprehendere  se  negat:  sibi  tamen  satis  esse  duas  naturas  in  Christo  1)  Vide  Comment,  m  Ephes.  1,  20.  2)  Ibid.  ad  C.  4,  10.  3)  tamen  Beza  et  Amst.