6:508  offerebantur?  quod  millies  quotidie  immolabatur  Christus,  quasi  non  sufficeret,  semel  esse  pro  nobis  mortuum?  Ad  istas  omnes  contumelias  Christo  irrogandas  sacrosanctae  coenae  titulo  abusi  sunt:  si  quidem  in  solo  sacrificii  nomine  omnes  continentur.  Neque  vero  ignoro,  quas  nunc  interpretationes  obtendant  adversarii,  ad  diluendas  tantas  absurditates.  Verum,  quum  hactenus  omnes,  quas  retuli,  abominationes  impudenter  exercuerint,  nunc  deprehendi  perfodiunt  sibi  novos  cuniculos,  quibus  tamen  suam  turpitudinem  minime  operiunt.  Missam  sacrificium  esse  tradiderunt,  quo  expiarentur  peccata,  non  vivorum  modo,  sed  etiam  mortuorum.  Quid  nunc  proficiunt  tergiversando,  nisi  quod  suam  impudentiam  [pag.  95]  produnt?  Quanta  etiam  sacramenti  pollutio,  quod  quum  aperta  verbi  praedicatione  constet  legitima  consecratio,  flatu  duntaxat  et  murmure  panis  incantatur?  quod  non  distribuitur  in  coetu  fidelium,  sed  seorsum  voratur  ab  uno,  vel  in  alienum  usum  reponitur?  quod,  quum  aliqua  fit  distributio,  populus  dimidia  parte,  hoc  est,  calice,  adversus  clarum  Domini  interdictum  privatur?  Quale  deliramentum,  quod  aboleri  suis  exorcismis  fingunt  panis  substantiam,  ut  in  Christum  transmutetur?  Quale  probrum,  quod  nihilo  verecundius  missarum  exercetur  mercimonium,  quam  calceorum?  Nam  si  recipitur  quod  dicunt,  id  est  meritum  mortis  Christi  vendere.  Certe  non  leviorem  Christo  contumeliam  faciunt,  quam  si  eius  faciem  conspuerent.  Tibi,  quaeso,  invictissime  Caesar,  vobisque  illustrissimi  Principes,  in  mentem  veniat,  quid  olim  Corinthiis  propter  unum,  nec  ita  gravem  prima  specie,  abusum  huius  sacramenti  acciderit.  Suam  quisque  coenam  domo  afferebat:  non  ut  conferrent  in  commune,  sed  ut  laute  epularentur  divites,  pauperes  autem  esurirent.  Hanc  ob  causam  vehementi  ac  saeva  pestilentia  fuisse  a  Domino  castigatos,  asserit  Paulus:  qui  tamen  paternum  hoc  flagellum  esse  admonet,  quo  Dominus  eos  ad  resipiscentiam  vocaret  (1  Cor.  l  l  ,  30).  Hinc  colligite,  quid  nobis  hodie  exspectandum  sit,  qui  non  paululum  quiddam  declinavimus  a  recta  Christi  institutione,  sed  ab  ea  immenso  intervallo  discessimus,  qui  non  uno  in  genere  corrupimus  eius  puritatem,  [pag.  96]  sed  compluribus,  et  iis  quidem  horrendis  modis,  eam  deformavimus:  qui  non  uno  quolibet  abusu  turbavimus  legitimum  eius  usum,  sed  totam  administrationem  evertimus.  Nec  vero  dubium  est,  quin  pridem  hanc  impietatem  ulcisci  coeperit  Deus.  Iam  multos  annos  continuos  plurimis  variisque  aerumnis  et  calamitatibus  mundus  premitur,  et  nunc  ad  extremum  prope  miseriarum  ventum  est.  Nos  quidem  aut1)  obstupescimus  ad  nostras  plagas,  aut  1)  aut,  omittunt  omnes  praeter  principem,  etiam  Gallus.