35:508  plaist  a  Dieu  qu'elle  leur  profite:  et  bien,  ils  seront  freres,  la  ou  ils  estoyent  ennemis  auparavant:  mais  s'ils  demeurent  obstinez  en  leur  malice,  tant  y  a  que  nostre  Seigneur  fera  revenir  sur  nous  toutes  les  requestes  que  nous  aurons  fait  pour  eux.  Toila  donc  pourquoy  notamment  il  est  dit,  Que  Iob  a  este  regarde  de  Dieu  en  pitie,  quand  il  a  prie  pour  ceux  qui  l'avoyent  ainsi  outrage,  comme  nous  avons  veu.  Et  ainsi  il  nous  faut  reduire  en  memoire  ce  que  dit  sainct  Iaques  :  Tous  avez  ouy  la  patience  de  Iob,  et  voyez  la  fin  et  l'issue  telle  que  Dieu  luy  a  donnee.  Or  il  nous  monstre  que  les  afflictions  que  Dieu  envoye  sur  ses  enfans  sont  temporelles:  et  mesmes  que  l'issue  en  est  heureuse,  et  qu'il  leur  vaut  beaucoup  mieux  d'estre  ainsi  affligez  pour  un  temps,  que  d'estre  tousiours  a  leur  aise.  Car  si  Dieu  les  espargnoit  par  trop,  il  n'y  auroit  celuy  qui  ne  s'endormist  en  ce  monde:  nous  ne  saurions  plus  que  c'est  d'obeissance:  les  cupiditez  de  nostre  chair  feroyent  des  chevaux  retifs:  nous  ne  penserions  plus  qu'a  ceste  vie  caduque.  Ainsi  donc  cognoissons  quand  Dieu  afflige  ses  fideles,  pour  le  premier  que  ce  n'est  pas  qu'il  les  vueille  presser  iusques  au  bout:  car  il  cognoist  leur  portee:  et  comme  dit  S.  Paul  (1.  Cor.  10,  13),  d'autant  qu'il  est  fidele,  il  ne  permettra  point  que  nous  soyons  tentez  outre  ce  que  nous  pouvons  porter.  Mais  d'avantage  il  monstre  en  la  fin  que  nous  avons  a  souhaitter  d'estre  ainsi  batus  de  ses  verges:  comme  David  dit  (Pseau.  119,  67),  Seigneur  ca  este  mon  profit  que  tu  m'as  chastie:  tellement  que  nons  pouvons  tousiours  nous  glorifier  en  nos  miseres  et  corrections.  C'est  ce  qu'il  nous  faut  observer  en  ce  passage:  car  ce  n'est  point  a  cause  de  Iob  que  ceci  est  escrit,  que  Dieu  a  benit  son  estat  dernier  plus  que  le  premier,  qu'il  luy  a  redouble  ses  facultez  et  richesses  qui  estoyent  bien  grandes  auparavant,  Qu'il  luy  a  donne  fils  et  filles,  qu'il  luy  a  prolonge  sa  vie,  qu'il  a  veu  iusques  a  la  quatrieme  generation  les  enfans  qui  estoyent  sortis  de  sa  race,  apres  s'estre  ainsi  veu  destitue.  Il  est  vray  qu'ici  le  S.  Esprit  a  voulu  laisser  un  memorial  de  la  grace  de  Dieu  sur  la  personne  de  Iob:  mais  ce  n'est  point  pour  son  instruction,  c'est  pour  la  nostre.  Ce  n'est  point  donc  sans  cause  que  sainct  Iaques  nous  propose  ce  miroir-la,  disant  (5,  ll),  Mes  amis  il  est  vray  que  la  patience  est  dure  et  fascheuse  a  prendre,  quand  les  hommes  sont  tormentez:  cela  est  contraire  a  leur  nature:  mais  en  la  fin  Dieu  tourne  tellement  le  tout  a  leur  salut,  qu'ils  cognoissent  qu'il  leur  a  beaucoup  mieux  valu  d'estre  ainsi  chastiez  que  d'estre  trop  supportez,  et  mignardez.  Bref,  toutes  fois  et  quantes  que  nous  sommes  tormentez  d'affliction:  ie  ne  di  pas  seulement  quant  au  corps:  mais  quand  nous  avons  des  troubles  iusques  a  nous