32:508  seroit-ce  pas  une  moquerie,  que  ie  demandasse  a  Dieu  une  chose  que  i'ay  en  ma  puissance?  Ie  luy  demanderay  qu'il  me  la  donne,  et  ie  l'ay  desia.  Il  est  vray  qu'encores  ce  que  nous  avons  il  nous  le  faut  bien  demander  a  Dieu.  Pourquoy?  Cognoissans  que  nous  n'en  pouvons  pas  iouir  ny  user  sans  sa  grace:  et  encore  l'usage  ne  nous  viendra  iamais  a  profit,  sinon  entant  qu'il  le  benira,  comme  nous  luy  demandons  nostre  pain  ordinaire.  Encores  que  la  nappe  soit  mise,  que  la  souppe  soit  dressee  (comme  on  dit)  si  est  ce  que  nous  demandons  a  Dieu  qu'il  nous  donne  nostre  nourriture.  Et  par  cela,  comme  i'ay  dit,  nous  monstrons  que  rien  ne  nous  profitera,  sinon  entant  qu'il  sera  benit  par  la  grace  de  Dieu  ct  par  sa  bonte.  Tant  y  a  que  nous  le  demandons,  en  faisant  tousiours  confession  de  nostre  indigence.  Ainsi  donc,  il  faloit  bien  que  David  n'eust  point  oela  en  sa  main  ny  en  sa  faculte,  de  garder  la  Parole  de  Dieu.  Et  c'est  ce  qu'il  adiouste  en  ce  verset,  Seigneur  ouvre  moy  les  yeux,  Comme  s'il  disoit,  Helas  Seigneur,  tant  s'en  faut  que  i'aye  la  puissance  de  garder  ta  Parole,  que  mesme  ie  n'y  entendray  rien,  sinon  que  tu  me  conduises:  il  faut  que  tu  commences  et  que  tu  parfaces  le  tout.  C'est  moins  de  penser  que  de  faire:  car  il  y  en  a  beaucoup  qui  cognoissent  le  bien,  et  toutesfois  ie  reiettent.  Or  David  declaire,  que  non  seulement  il  est  prive  du  pouvoir  d'observer  la  Parole  de  Dieu,  mais  aussi  qu'il  n'en  aura  nulle  intelligence,  sinon  entant  qu'elle  luy  sera  donnee  par  le  sainct  Esprit.  Notons  bien  qui  est  l'homme  qui  parle.  David,  un  Prophete  si  excellent.  Et  toutesfois,  si  est-ce  qu'il  declaire  (voire  sans  feintise)  qu'il  est  ignorant,  sinon  entant  que  Dieu  l'enseignera.  Et  ne  parle  point  yci  d'une  instruction  humaine,  comme  nous  comprendrons  en  nostre  teste  les  choses  qui  nous  estoyent  auparavant  incognues.  David  confesse  que  tout  cela  ne  luy  servira  de  rien,  si  Dieu  n'adiouste  encores  un  autre  bien  plus  grand  et  plus  excellent:  c'est  ascavoir,  qu'il  soit  illumine  par  le  sainct  Esprit.  Puis  qu'ainsi  est  donc  que  David,  qui  estoit  Prophete  excellent,  a  cognu  que  ne  par  lecture,  ne  par  predication  il  ne  pouvoit  pas  cognoistre  ce  qui  estoit  requis  a  salut:  que  sera-ce  de  nous,  qui  sommes  encores  bien  loing  d'estre  si  advancez  comme  il  estoit?  Et  ainsi,  ne  cuidons  point  par  nostre  industrie,  et  par  nostre  sens  aigu  parvenir  si  haut,  que  d'entendre  les  secrets  de  Dieu  :  mais  cognoissons  que  nous  avons  besoin  d'estre  illuminez  par  la  grace  de  son  S.  Esprit,  qu'il  nous  ouvre  les  yeux,  et  que  sans  cela  nous  sommes  povres  aveugles.  Or  si  ceci  estoit  bien  entendu,  nous  ne  verrions  pas  un  tel  orgueil  comme  il  est  entre  les  hommes,  qu'un  chacun  veut  estre  sage  pour  se  scavoir  gouverner.  Nous  pourrons  bien  protester  que  Dieu  nous  a