20:508  chair  et  subiuguer  noz  affections  et  les  captiver  en  l'obeissance  de  Dieu.  Escoutons  doncq  ces  belles  admonitions  qui  nous  sont  faictes  par  l'apostre,  que  nous  estions  tenebres,  mays  maintenant  estant  illuminez  de  Dieu  quil  nous  fault10)  cheminer  comme  enfans  de  lumiere.  Que  nous  estions  charnelz,  mays  que  nous  sommes  lavez  du  sang  de  Jesuschrist  pour  perseverer  en  purete.  Que  nous  estions  serfz  aux  liens  de  peche,  mays  que  Jesuschrist  nous  en  a  rachaptez  afin  que  nous  vivions  doresnavant  a  luy  et  a  sa  gloire,  ou  plus  tost  qu'il  vive  en  nous.  Et  aultres  semblables.  Car,  comme  iay  dict,  tout  en  est  plain.  Si  quelcun  au  contraire  se  vente  de  cognoistre  Jesuschrist,  et  que  cependant  il  suyve  ses  concupiscences,  ce  n'est  pas  la  telle  cognoissance  qu'il  en  fault  avoir,  comme  dict  le  mesme  apostre.  Car  nous  sommes  aprins  en  luy  de  despouiller  nostre  viel  homme  avec  ses  oeuvres.  Or  il  y  a  beaucoup  de  vices  qui  regnent  auiourd'huy  au  monde,  tellement  qu'il  seroit  difficile  de  les  nombrer.  Mays  il  y  en  a  qu'on  excuse  plus  que  les  autres,  soubz  umbre  de  la  coustumance,  comme  iuremens  et  blasphemes,  ieuz,  dissolutions  vaines  ou  en  danses  11)  ou  en  aultres  choses.  Ne  nous  trompons  pas  en  cela,  mes  freres,  et  ne  nous  layssons  pas  tromper.  Car  le  iugement  de  Dieu  ne  fleschist  pas  pour  les  mauvayses  coustumes  des  hommes.  Il  a  une  foys  prononce  qu'il  ne  layssera  pas  impuny  quiconque  prendra  son  nom  en  vain.  C'est  un  arrest  irrevocable.  Et  de  faict  la  raison  le  veult  bien.  Car  en  quelle  recommendation  nous  doibt  estre  la  dignite  de  ce  sainct  nom  soubs  lequel  tremblent  toutes  creatures?  Or  le  prendre  en  vain,  c'est  le  prendre  en  mespris.  Qu'est  ce  doncq  de  le  blasphemer?  Si  quelcun  allegue  qu'il  y  est  acoustume,  tant  pis  et  tant  en  est  il  plus  coulpable.  Mays  il  fault  adviser  de  sen  corriger,  et  ne  point  provoquer  l'ire  de  Dieu  en  abusant  de  sa  patience.  Touchant  les  ieuz  et  les  tavernes  ou  aultres  gourmandises,  oultre  la  perte  de  temps  et  le  desbauchement,  nous  voyons  combien  ilz  emportent  de  mauvayses  consequences.  On  s'y  coustume,  despendant  inutilement  ou  plustost  dissipant  malheureusement  ce  qui  debvroit  estre  bien  employe  en  aultre  usaige.  Les  desbatz  ou  mescontentemens  en  vienent,  et  depuis  qu'un  homme  y  est  acaignarde,  son  esprit  y  est  quasy  abruty.  Ie  laysse  pour  briefvete  autres  inconveniens  jnfinis  qu'on  experimente  tous  les  iours.  Des  dissolutions  et  vanites  dont  iay  touche  il  n'est  ia  mestier  d'en  faire  plus  long  proces:  quon  ouvre  lesyeulx,  et  on  les  verra  trop  clerement  10)  faict  Bt.  11)  Calvin  ajoute  en  marge,  frequenter  les  tavernes.