9:507  507  DE  VERA  PARTICIPATIONE  508  sam  hanc  consuetudinem,  quae  unum  anni  diem  praescribens  in  totum  annum  socordes  reddit.  Et  adhuc  latrabit  hic  canis,  me  nervos  incidere  dulcissimae  consolationi,  ne  agnoscant  fideles  Christum  in  se  habitare:  de  qua  si  quid  recte  attingit,  a  me  furatus  est?  Caeterum  probatio  quam  attexit,  phreneticos  impetus  satis  declarat:  quia  quod  ante  fuerat  detestatus,  pro  fidei  axiomate  nunc  arripit  :  non  aliter  constare  hypostasin  divinae  et  humanae  naturae  in  Christi  persona,  quam  si  caro  simul  sit  pluribus  in  locis.  Quomodo  apertius  proderet  nihil  credere,  quam  ita  secum  pugnando?  Quanquam  haec  levitas  et  inconstantia  vel  nimiam  cerebri  intemperiem,  [pag.  75]  vel  poculorum  varietatem  sapit.l)  Aliquid  adhuc  fastidii  vorare  necesse  est,  ut  SIanum  faciam  lectoribus  quam  acute,  fideliter  et  extre  se  gerat  in  refutandis  nostris  obiectis.  Postquam  circulatorum  more  simplicium  mentes  delusit,  dicit  inter  nostras  obiectiones  hanc  sibi  videri  speciosissimam:  Verum  et  physicum  corpus  non  posse  simul  quoad  substantiam  in  pluribus  et  diversis  locis  esse:  Christum  habere  verum  et  physicum  corpus,  in  quo  visibiliter  ascendit  ut  sedeat  ad  patris  dexteram  certo  et  definito  loco,  usque  dum  in  iudicium  mundi  appareat:  Ergo  hoc  corpus  quod  in  coelis  certo  spatio  circumscribitur,  non  posse  esse  in  coena  quoad  substantiam.  Addit  praeterea,  nullo  me  argumento  perinde  confidere.  Primum  quam  improbe  mentiatur,  me  patris  dexteram  ita  in  arctum  cogere,  testes  sunt  complures  scriptorum  meorum  loci.  Sed  ut  hoc  eius  libidini  permittam,  quid  futilius  quam  statum  quaestionis  ponere  in  corpore  physico:  quum  saepe  antehac  professus  sim  me  in  hac  causa  nihil  morari  physicas  rationes,  nec  insistere  philosophorum  placitis,  sed  tantum  scripturae  testimoniis  acquiescere?  Corpus  Christi  finitum  esse,  et  constare  suis  dimensionibus,  ex  scriptura  patet.  Hoc  nos  geometria  non  docuit:  sed  quod  per  apostolos  tradidit  spiritus  sanctus,  nobis  eripi  non  patimur.  Stulte,  nec  sine  manifesta  repugnantia  excipit  Heshusius,  Christum  in  utraque  natura  sedere  ad  dexteram  patris.  Neque  enim  negamus  quin  totus  et  integer  Christus  in  mediatoris  persona  coelum  et  terram  impleat:  nempe  totus  non  totum:  quia  id  ad  carnem  referre  absurdum  esset.  Et  naturas  hypostatice  unitas  esse  non  [pag.  76]  tantundem  valet,  ac  si  immensitas  deitatis  communicata  esset  cum  carne:  quando  cum  personae  unitate  optime  convenit  utriusque  naturae  proprietas.  Excipit  ille,  sessionem  ad  patris  dexteram,  teste  Paulo,  de  aeterna  et  divina  maiestate  et  aequali  potentia  intelligi.  Quid  autem  ego?  Certe  ante  annos  1)  une  trop  mauvaise  temperature  du  cerveau  ou  bien  une  variete  de  pota.