6:507  DE  NECESSITATE  loquendi  necessitate  tacuissemus,  non  tantummodo  in  Deum  ingrati  et  perfidi,  sed  etiam  inhumani  in  homines  :  quibus  videamus  aeternum  omnibus  exitium  imminere,  nisi  in  viam  reducerentur.  Canis,  si  tantam  iniuriam  inferri  domino  suo  cerneret,  quanta  Deo  contumelia  irrogatur  in  sacramentis,  latraret  protinus,  vitamque  suam  potius  opponeret  periculo,  quam  se  tacente  dominum  ita  male  tractari  sineret.  An  nos  Deo  minus  praestare  obsequii  debuimus,  quam  homini  praestare  solet  bestia?  Taceo  quod  institutis  a  Chribto  mysteriis,  coelestique  [pag.  93]  eius  autoritate  commendatis,  nuda  hominum  voluntate  proditos  ritus  aequarunt:  quod  tamen  ipsum  acriter  reprehendi  merebatur.  Mysteria  vero  ipsa  tot  superstitionibus  corrumpi,  tot  pravis,  quas  retulimus,  opinionibus  foedari,  ad  turpem  infamemque  quaestum  absque  ulla  verecundia  prostitui:  an  dissimulanter  ferre  debuimus?  Flagello  nummularios  fugavit  Christus  e  templo,  eorum  mensas  manu  evertit,  merces  exturbavit.  Non  omnibus,  fateor,  flagellum  in  manum  sumere  licet,  verum  zelo  illo,  quo  incitatus  fuit  Christus  ad  vindicandam  patris  gloriam,  flagrare  omnes  convenit  qui  se  Christi  esse  profitentur.  Proinde,  quae  sibi  tantopere  displicere  templi  inquinamenta  opere  monstravit,  nostrum  saltem  est,  libera  constantique  voce  fortiter  exsecrari.  Quis  ignorat  venalia  nihilo  minus  sacra  in  templis  iamdudum  esse,  quam  quae  medio  foro  prostant  merces?  Et  alia  quidem  condicto  pretio  veneunt,  de  aliis,  post  multam  licitationem  paciscuntur.  Sed  quomam  in  coena,  magis  quam  in  reliquis,  illustre  est  exemplum,  et  plus  indignitatis  habet,  age,  qua  conscientia  ad  tam  multas  tamque  sacrilegas  eius  profanationes  connivere  potuimus?  Ad  quas  exprimendas,  quum  mihi  nunc  desint  verba,  quo  iure  nobis  vitio  vertitur,  quod  in  eas  invehendo  nimis  fuerimus  vehementes?  Vos  hic,  invictissime  Caesar  et  illustrissimi  Principes,  per  sacrum  Christi  corpus,  quod  immolandum  pro  nobis  exposuit,  per  venerandum  illum  sanguinem,  quem  pro  nostra  ablutione  [pag.  94]  effudit,  obtestor,  ut  reputare  cum  animis  vestris  velitis,  quanti  debeat  esse  mysterium,  in  quo  nobis  corpus  illud  in  cibum,  sanguis  in  potum  exhibetur:  qua  religione,  qua  cura,  custodiri  impollutum  debeat.  Cuius  ergo  ingratitudinis  erit,  si  quis  coeleste  hoc  mysterium,  quod  instar  pretiosissimae  margaritae  nobis  commendavit  Christus,  calcari  aspiciat  porcorum  pedibus,  et  taceat?  Atqui  non  calcari  modo,  sed  omni  etiam  pollutionis  genere  inquinari  videbamus.  Quale  ludibrium  erat,  quod  mortis  Christi  efficacia  ad  theatricam  hominis  actionem  transferebatur?  quod  sacrificulus,  tanquam  Christi  successor,  mediatorem  se  inter  Deum  et  homines  interponebat?  quod  obliterata  unici  sacrificii  virtute,  mille  singulis  diebus  sacrificia  in  una  urbe  ad  expianda  peccata'