55:507  507  Chapitre  seul.  Iudas  serviteur  de  Iesus  Christ,  et  frere  de  Iaques,  aux  eleuz,  qui  sont  sanctifiee  par  Dieu,  et  gardez  par  IESUS  Christ,  misericorde  et  paix  di"  lection  vous  soit  augmentee.  Il  s'appelle  serviteur  de  Iesus  Christ,  pour  declairer  par  sa  vocation,  qu'il  fait  son  devoir  les  enseignant  et  admouestant  de  ce  qu'ilz  ont  a  faire:  afin  qu'il  ne  semble  pas  vouloir  entreprendre  plus  d'authorite  et  lieu  de  parler  aux  Eglises  qu'il  ne  luy  en  appartient.  Pareillement  en  ce  mot  est  comprinse  une  protestation,  qu'il  ne  veult  exalter  ne  son  nom  ne  de  creature  quelconque,  mais  de  son  seul  Maistre  Iesus.  Il  allegue  le  nom  de  son  frere  Iaques:  afin  de  se  donner  plus  a  congnoistre  par  ceste  enseigne,  pour  mieux  gaigner  les  coeurs  des  fideles  a  escouter  sa  doctrine,  non  pas  qu'il  vueille  prendre  ou  chercher  sa  gloire  en  la  chair:  mais  pour  faire  servir  toutes  bonnes  creatures  a  l'honneur  de  Dieu.  Au  commencement  il  declaire  quelz  sont  les  fruictz  de  l'election  eternelle  de  Dieu  en  ceux  qu'il  a  eternellement  preordonnez  a  salut:  C'est  qu'ilz  sont  sanctifiez  en  communiquant  a  la  sainctete  de  Dieu,  laquelle  est  espandue  sus  eux  par  son  Esprit.  Et  que  par  Iesus  ilz  sont  conservez.  Car  c'est  nostre  Pasteur  et  guide,  auquel  nous  avons  este  commis  en  garde  de  par  le  Pere,  afin  qu'il  nous  conserve  en  sa  protection:  tellement  que  le  peche,  ne  la  mort,  ne  le  diable,  ne  nous  puisse  nuyre.  En  cestre  priere  qu'il  fait  sont  comprinses  toutes  les  graces  que  nous  povons  desirer.  Car  il  y  a  premierement  la  misericorde  de  Dieu,  laquelle  est  sa  bonne  volunte  sur  nous,  par  laquelle  nous  sommes  reconciliez  a  luy,  l'ayant  pour  Pere,  et  estans'  faictz  participans  de  son  Royaume  comme  ses  enfans  bien  aymez.  De  cela  s'ensuit  paix,  qui  signifie  toute  prosperite,  afin  que  rien  de  tout  ce