35:507  507  SERMON  CLIX  508  pour  nous.  Mais  il  ne  se  faut  point  esbahir  si  souvent  nostre  Seigneur  esblouit  ainsi  Ies  yeux  des  hommes,  afin  de  les  divertir  de  l'adresse  qu'il  leur  donne  par  sa  parole:  car  par  leur  malice  ils  s'en  sont  destournez,  et  se  sont  ferme  la  porte,  a  ce  qu'ils  n'ayent  nul  accez  a  Dieu  pour  l'invoquer:  comme  nous  savons  aussi  qu'il  n'y  a  nulle  ouverture,  sinon  que  nous  ayons  Iesus  Christ  pour  Advocat,  lequel  ils  ont  delaisse.  Et  voila  pourquoy  le  diable  de  tout  temps  s'est  ainsi  efforce  de  mettre  des  imaginations  frivoles,  pour  transporter  les  hommes  ca  et  la.  Mais  gardons-nous  d'extravaguer:  plustost,  puis  qu'ainsi  est  que  nous  voyons  que  Dieu  a  exauce  les  hommes  par  le  moyen  des  sacrifices:  que  les  sacrificateurs  de  la  Loy  ne  sont  point  entrez  en  vain  au  sanctuaire  qui  estoit  fait  de  main  d'homme,  et  qui  estoit  corruptible,  n'apportans  la  sinon  le  sang  d'une  beste  brute,  soyons  certains  qu'auiourd'huy  Iesus  Christ  nous  fera  trouver  Dieu  propice  et  benin  envers  nous,  et  que  nous  serons  la  receus  a  pitie:  voire,  quand  nos  oraisons  seront  fondees  sur  ce  sacrifice  qu'il  a  offert,  et  que  nous  cognoistrons  que  c'est  a  luy  de  porter  la  parole  pour  nous,  et  de  faire  que  nous  soyons  exaucez.  Cependant  nous  avons  aussi  a  noter  ce  qui  est  ici  dit,  Que  Dieu  a  fait  retourner  la  captivite  de  Iob,  ou  qu'il  s'est  converti  a  sa  repentence.  Car  les  mots  se  peuvent  ainsi  prendre:  mais  la  plus  simple  exposition  c'est,  qu'il  a  converti  la  captivite  de  Iob,  que  ceste  angoisse  en  laquelle  il  estoit  a  este  ostee:  ou  bien  sa  captivite:  c'est  a  dire  que  son  bestail  et  sa  substance  luy  a  este  rendue.  Mais  quoy  qu'il  en  soit,  c'est  pour  signifier  que  Dieu  en  la  fin  a  eu  pitie  de  son  serviteur:  voire  et  notamment  il  est  exprime:  que  c'est  quand  Iob  a  prie  pour  ses  amis:  c'est  a  dire,  pour  ceux  qui  l'avoyent  persecute,  comme  nous  avons  veu.  Or  en  cela  voyons-nous,  que  si  nous  aimons  nos  ennemis,  et  que  nous  procurions  leur  bien  et  leur  salut:  ce  sera  nostre  bien  et  nostre  profit,  et  que  Dieu  fera  retourner  ceste  benediction  sur  nous.  Nous  craignons  souvent  d'estre  trop  faciles  et  humains  quand  on  nous  a  offense:  et  ce  proverbe  diabolique  est  par  trop  pratique,  Que  se  fait  brebis,  le  loup  le  mange.  Toila  pourquoy  nous  sommes  acharnez  a  nos  vengeances,  quand  on  nous  a  fasche:  qu'on  nous  a  fait  quelque  iniure:  il  nous  semble  qu'en  pardonnant  nous  sommes  exposez  a  tout  opprobre,  et  que  nos  ennemis  prendront  tant  plus  grande  hardiesse  contre  nous.  Or  il  .nous  faut  demettre  de  toutes  ces  phantasies-la,  d'autant  que  nous  avons  Dieu  qui  nous  a  prins  en  sa  charge,  et  il  nous  a  donne  un  bon  Pasteur,  assavoir  Iesus  Christ  qui  a  promis  de  nous  garder.  Et  au  reste  notons  bien,  que  quand  nous  prions  pour  ceux  qui  nous  tormentent,  ceste  benediction  viendra  sur  nous,  S'il