32:507  507  TROISIEME  SERMON  508  reduit  en  memoire,  pourquoy  c'est  qu'ils  doyvent  yci  vivre.  Comme  en  ce  passage  David  fait  sa  requeste  a,  Dieu,  pour  obtenir  ce  bien,  qu'il  vive  en  gardant  la  voye  droitte.  Comme  s'il  disoit,  Seigneur,  ie  n'appete  point  de  vivre  pour  me  ^ouler  en  ce  monde,  pour  y  avoir  mes  commoditez  :  mais  i'ay  une  autre  fin  plus  haute  et  plus  excellente  que  celle-la,  c'est  ascavoir,  afin  que  ie  te  serve.  Ainsi  donc,  toutes  fois  et  quantes  que  nous  appeterons  de  vivre,  qu'il  nous  souvienne  de  ceste  requeste  que  fait  David,  c'est  ascavoir,  que  nous  ne  devons  pas  estre  semblables  aux  bestes  brutes,  vivans  et  ne  scachans  pourquoy:  mais  que  nous  tendions  tousiours  a  ce  but,  que  Dieu  soit  honnore  de  nous.  Car  sans  cela  aussi,  nous  sommes  plus  miserables  que  ne  sont  toutes  les  autres  creatures.  Chacune  crature  suyvra  son  naturel:  et  combien  que  les  bestes  ayent  une  vie  penible  et  fascheuse,  si  est-ce  toutesfois  qu'elles  ne  sont  point  encore  tant  tormentees  que  les  hommes,  en  leur  endroit.  Nous  scavons,  et  sentons  par  experience,  que  les  cupiditez  mauvaises  de  nostre  chair,  sont  comme  des  fournaises  allumees  en  nous,  qu'il  ne  faut  point  que  nous  ayons  personne  qui  nous  persecute,  chacun  se  donnera  assez  de  mal  et  de  fascherie  en  soy,  les  uns  par  leur  ambition,  les  autres  par  leur  avarice,  les  autres  pai;  leurs  paillardises.  Ainsi  donc  la  vie  des  hommes  sera  bien  malheureuse,  s'ils  n'ont  regard  plus  loin,  ascavoir  que  nous  devons  tousiours  tendre  a  ce  but  de  servir  a  nostre  Dieu,  et  de  garder  sa  Parole.  Quand  nous  aurons  la  toute  nostre  affection,  nostre  vie  sera  benite.  Mais  au  contraire,  quand  un  homme  est  si  brutal,  qu'il  ne  demande  sinon  a  demeurer  yci  longtemps,  et  n'a  en  recommandation  que  son  corps,  et  ceste  vie  temporelle:  d'autant  plus  qu'il  sera  au  monde,  d'autant  cueillira-il  sur  soy  plus  de  malediction  de  Dieu.  Ainsi  donc,  retenons  bien  ceste  priere  que  fait  yci  David:  c'est  ascavoir,  qu'il  demande  ce  bien  a  Dieu,  qu'en  vivant  il  observe  sa  Parole.  Comme  s'il  disoit,  Helas  Seigneur,  ie  voy  que  les  hommes  sont  si  pervertis,  que  nul  ne  pense  quelle  est  la  fin  de  sa  vie.  Et  tant  sont  adonnez  a��  mal,  qu'ils  ne  font  que  provoquer  ton  ire  de  plus  en  plus.  Ne  permets  point  que  ie  soye  de  leur  rang,  mais  que  tu  me  faces  la  grace  d'avoir  une  vie  reglee  comme  elle  doit:  c'est  a  dire,  que  ie  m'employe  a  te  servir  et  honnorer.  Or  il  adiouste  quant  et  quant,  Ouvre  mes  yeux,  afin  que  ie  cmsidere  les  merveilles  de  ta  Loy.  Yci  il  monstre  que  ce  n'est  point  sans  cause  qu'il  a  fait  ceste  requeste  a  Dieu:  car  si  cela  estoit  en  nostre  main  de  suyvre  la  Parole  de  Dieu,  et  la  garder,  ce  seroit  hypocrisie  et  fiction  d'en  faire  nulle  priere.  Car  nous  demandons  a  Dieu  ce  que  nous  n'avons  point,  et  en  nos  oraisons  tousiours  il  faut  confesser  nostre  povrete  et  indigence.  Or  ne