20:507  507  EPISTOLAE  4215.4216  508  qui  nous  sont  donnees  en  l'escripture  pour  nous  fortifier  a  endurer  persecutions  pour  le  nom  de  Dieu.  Advises,  dis  ie,  de  les  avoir  bien  imprimees  en  voz  coeurs,  afin  quelles  vous  viennent  incontinent  en  memoire,  quant  la  necessite  le  requerra.  Car  c'est  une  chose  par  trop  enorme  que  pour  fouyr  la  mort  corporelle,  lorsque  Dieu  veult  esprouver  nostre  constance,  nous  renoncions  la  verite  la  quelle  seulle  est  nostre  vie.  Quoy  que  nous  en  estimions,  ceste  sentence  de  nostre  seigneur  Josus  est  certaine  et  infaillible,  que  quiconque  le  renoncera  devant  les  hommes,  il  sera  desadvoue  de  luy  devant  dieu  son  pere.  Malheur  doncq  sur  ceulx  qui  s'abuseront  en  se  flatant  en  cest  endroict.  Regardez  aussi  que  le  profict  corporel  ne  vous  destourne  de  vous  adioindre  pleinement  a  ce  bon  saulveur  pour  monstrer  a  la  verite  et  par  effect  que  vous  estes  des  siens.  Vous  scaves  quel  tesmoinage  luy  rendent  les  serviteurs  des  scribes  et  pharisiens,  quant  iiz  furent  envoyez  pour  le  prendre.  Cest  que  iamays  ilz  n'avoient  ouy  parler  homme  ainsi.  Ilz  confessent  doncq  sa  doctrine  estre  plus  que  humaine.  Mays  ceste  malheureuse  affection  d'estre  a  leur  ayse  et  se  maintenir  en  leur  estat  les  faict  servir  aux  ennemis  mortelz  de  luy  et  de  sa  doctrine.  Ne  soyes  doncq  pas,  mes  freres,  semblables  a  eulx  ni  a  Esau  qui  pour  une  esculee  de  potaige  vendit  sa  primogeniture.  Tout  ce  qui  apartient  au  corps  n'est  quune  esculee  de  potaige  aupres  de  la  grace  d'adoption  que  Dieu  nous  presente.  Ne  prisons  doncq  pas  tant  les  choses  de  nulle  valeur,  que  nous  oblvons  l'heritaige  incomparable  lequel  nous  est  presente.8)  Quant  a  toute  vostre  vie  en  general,  vous  avez  a  considerer  la  merveilleuse  corruption  qui  est  auiourdhuy  par  tout  le  monde,  non  pas  pour  faire  comme  plusieurs,  assavoir  d'aller  avec  les  loups,  ne  pour  penser  que  cela  vous  doibve  servir  d'excuse  pour  amoindrir  vostre  peche,  si  vous  faictes  comme  les  autres.  Mays  pour  vous  contregarder  de  tant  plus  afin  de  ne  vous  lavsser  seduire  ou  contaminer  par  mauvais  exemples.  Car  de  vray  nous  avons  a  cheminer  entre  les  espines,  quant  nous  voyons  le  monde  ainsi  pervers.  Ne  disons  pas  doncq:  tout  le  monde  faict  ainsi,  veu  que  nous  voyons  un  deluge  de  toute  iniquite  qui  est  desborde  sur  toute  la  terre.  Ne  regardons  pas  aussi  l'un  l'autre  pour  dire:  un  tel  le  faict  bien,  car  chascun  portera  son  fardeau.  Ne  disons  pas  non  plus:  c'est  mon  naturel,  veu  que  la  premiere  lecon  que  nostre  seigneur  Jesus  nous  donne  en  son  escole  est  renoncer  a  nousmesmes,  et  n'y  a  rien  a,  quoy  le  sainct  Esprit  nous  exhorte  tant  par  toute  l'Escripture  qu'a  mortifier9)  nostre  8)  Ici  le  texte  latin  intercede  la  partie  de  la  lettre  qui  forme  la  fin  du  texte  francais  {note  14),  ce  qui  parait  preferable.  9)  fortifier  Bt.