9:506  per  externum  symbolum,  sed  non  sisti  localiter.  En  cur  exclamet  nos  esse  Epicureos,  et  securitatis  assuetos.  Verum  quo  magis  tumultuatur  sine  causa,  ingenium  suum,  affectus  et  mores  clarius  patefacit.  Si  quem  hoc  saeculo  exercuit  Deus  magnis  et  periculosis  certaminibus,  eum  me  esse  multi  noverunt.  Et  quum  adhuc  hodie  simus  oves  mactationi  destinatae,  hic  mansuetus  evangelii  doctor  terroribus,  qui  nos  undique  urgent,  per  ludibrium  insultat,  ac  si  quieti  nostrae  invideret.  Nisi  forte  homo  providus  et  sollicite  recondens  quantum  ad  lautitias  sufficiat  tota  vita,  securitatem  nostram  deridet,  quod  in  diem  vivimus,  tenuitate  nostra  contenti.  Eodem  canino  pudore  miras  confoederationes  l)  fabricat  inter  me  et  eos  omnes,  quorum  erroribus  solus  restiti  ipso  stertente  vel  comessante.  Atque  ut  appareat  quam  cupide  ad  maledicendum  feratur,  quoniam  audierat  nomen  Velsii,  quem  Francfordiae  a  me  fractum  2)  fuisse  et  confectum  satis  notum  est,  Felsii3)  nomen  supponit,  ut  me  pro  sua  libidine  faciat  eius  socium,  quem  Heidelbergae  insanire  aliquamdiu  passus  est,  quia  cum  tali  athleta  congredi  non  audebat.  Eadem  ingenuitate  et  verecundia  doctrinam  nostram  a  fructu  aestimat:  quia  inducat  contemptum  sacrae  coenae.  Utinam  vero  pari  reverentia  ipse  cum  suis  similibus  ad  eam  accederet.  Nam  quod  cius  usum  pro  nihilo  apud  nos  duci  criminatur,  hunc  latratum  facile  compescet  Institutio:  ubi  ad  verbum  legitur  quod  subiiciam:4)  Quae  de  sacramento  hoc  hactenus  disseruimus  abunde  ostendunt  [pag.  74]  non  institutum  ideo  fuisse,  ut  semel  quotannis  acciperetur,  idque  perfunctorie,  ut  nunc  communiter  moris  est,  verum  quo  frequenti  in  usu  Christianis  omnibus  esset.  Postquam  autem  fructus  recensui,  ita  prosequor:  Talem  fuisse  ecclesiae  apostolicae  usum,  Lucas  in  Actis  commemorat:  quum  fideles  ait  perseverantes  fuisse  in  doctrina,  communicatione,  fractione  panis,  ete.  Sic6)  agendum  omnino  erat  ut  nullus  ecclesiae  conventus  fieret  sine  verbo,  precibus  et  communicatione  coenae.  Iam  ubi  veterum  testimoniis  haec  corruptela  severe,  ut  par  erat,  a  me  exagitata  fuit,  tandem  sequitur:  Et  sane  haec  consuetudo  quae  semel  quotannis  communicare  iubet,  certissimum  est  diaboli  inventum.  Item:  Longe  aliter  factum  oportuit,  singulis  ad  minimum  hebdomadibus  proponenda  erat  in  sacro  coetu  mensa  Domini.  Nullus  quidem  necessitate  cogendus,  sed  cohortandi  omnes  et  stimulandi,  obiurgandus  etiam  cessantium  torpor.  Quare  non  abs  re  principio  conquestus  sum  diaboli  arte  intra-  1)  considerationes  Beza  et  Amst.  2)  factum  iidem.  3)  Gallus:  Feldius.  A)  Lib.  IV.  c.  17.  §.  44.  5)  Si  Beza  et  Amst