5:506  scelerata  audacia  sancta  Dei  mysteria  in  foedam  et  profanam  nundinationem  converterit,  dubium  est  scilicet  quin  totus  mundus,  ut  ipsissimum  Antichristum  et  diaboli  vicarium,  cum  apostatica  sua  sede  diris  omnibus  devoveat.  Quid  si  vitae  pontificum,  qui  quadringentis  continuis  annis  tyrannidem  exercuerunt,  fideliter  ob  oculos  ponantur?  Quid  si  illa  dictu  audituque  horrenda,  omne  genus  facinora  recenseantur?  Quid  si  hodierna  duntaxat  curiae  romanae  facies  proferatur?  an  erit  ulla  tanta  vel  patientia  vel  stupiditas,  quae  non  extrema  indignatione  ebulliat?  Sed  quia  et  aures  et  oculi  multis  desunt,  nec  ubique  locus  datur  liberae  veritati,  conscientia  interim  nostra  et  bonorum  omnium  testimonio  contenti  simus,  usque  dum  omnem  istam  caliginem  ac  fumum  Dominus  fulgore  vultus  sui  discutiat.,  Quanquam  nec  eos  ipsos,  qui  sunt  eius  praestigiis  fascinati,  vel  in  tenebris  quibus  obvoluti  sunt  latet,  romanam  curiam  sic  omni  scelerum  genere  refertam,  ut  contemptus  Dei  et  meri  lucianismi  et  epieurismi,  quam  christianae  pietatis  schola  haberi  possit.  JReverendissimus  legatus  est  huius  sententiae,  ut  concilium  ante  omnia  convocaretur  et  celebretur  hoc  anno.  Quum  ius  sibi  arroget  indicendi  concilii  pontifex,  quid  Caesarem  de  indictione  frustra  fatigat?  Faciat  ipse  quod  iactat  sui  esse  muneris,  nec  Carolus  Augustus,  nec  Ferdinandus  Caesar  repugnabunt.  Quid  ergo  cessat  facere,  utroque  approbante  atque  etiam  adiuvante,  quod  adeo  necessarium  putat?  Imo  quid  veluti  per  ludibrium  ab  ipsis  petit,  quod  in  ipsorum  potestate  esse  negat?  Nempe  ut  magis  ac  magis  pateat,  quod  iam  toties  diximus  inani  concilii  nomine  fucum  facere,  quia  sine  colore  aliquo  obstare  nequit,  ne  conventu  de  religione  habito  germanica  natio  saluti  suae  consulat.  Et  in  conventibus  Germaniae  nihil  de  religione  tractetur,  ut  foedus  catholicorum  augeatur  et  corroboretur  ;  ut  eo  foedere  aucto  protestantes  omnibus  modis  ad  [fol.  49]  concordiam  alliciantur.  Interim  vero  concludatur  cum  rege  Gallorum  et  colligantur  auxilia  omnibus  cx  partibus  contra  Turcam.  Illud  etiam  in  fine  non  omittendum  est:  quod  antequam  Spirae  tractatus  amicabiies  perficiantur  et  auxilium  imperii  stabiliatur)  elapsum  erit  tempus  occurrendi  hoc  anno  Turcae,  et  anno  sequenti  negotium  auxilii  ferendi  poterit  melius  tractari  communibus  votis,  contra  hominem  inimicum.  In  his  tamen  omnibus  praefatus  reverendismus  legatus  remittit  se  singulari  prudentiae  serenissimarum  maiestatum  suarum,  quibus  omnia  feliciter  contingere  optat.  Valeant  igitur  superstitiosorum  hominum  de  ecclesiae  calamitate  querelae,  de  idololatriis  super-