35:506  coup  meilleure  quand  nostre  advocat  perpetuel  qui  est  entre  au  Sanctuaire  des  cieux,  assavoir  Iesus  Christ,,  iamais  ne  sera  refuse,  ni  nous  aussi  quand  nous  viendrons  a  Dieu  son  Pere  par  ce  moyen-la,  tenans  tousiours  la  voye  et  l'adresse  qu'il  nous  a  donnee?  Voila  Iob  un  povre  homme,  et  n'agueres  il  a  este  en  train  de  blasphemer  contre  Dieu:  combien  qu'il  se  soit  tousiours  retenu  en  patience  quant  a  la  conclusion:  si  est-ce  qu'il  a  eu  des  bouillons  qui  l'ont  fait  ietter  aux  champs:  tant  y  a  qu'il  a  offense  Dieu  grievement  ainsi  que  nous  avons  declare.  Toutes  fois  si  est-ce  que  quand  Dieu  luy  commet  cest  office  de  prier,  il  est  exauce:  non  point  pour  luy  tant  seulement,  mais  pour  les  estranges,  et  pour  ceux  qui  luy  avoyent  este  ennemis  auparavant,  et  qui  estoyent  comme  separez  d'avec  Dieu.  Car  ils  avoyent  perverti  toute  sa  parole,  ils  avoyent  destruit  et  ruine  l'esperance  de  la  vie  a  venir  comme  nous  avons  declare:  Iob  toutes  fois  leur  obtient  grace.  Or  s'il  est  dit  que  Dieu  a  fait  valoir  cela,  qui  n'estoit  qu'une  petite  ombre  et  obscure:  que  sera-ce  maintenant  puis  qu'il  nous  a  ordonne  son  Fils  unique  pour  Sacrificateur:  et  qu'il  ne  luy  a  point  commande  d'offrir  des  boucs  ou  des  veaux,  ou  des  moutons,  mais  de  s'offrir  et  corps  et  ame  en  sacrifice?  Puis  qu'ainsi  est  donc  que  le  Fils  de  Dieu  en  sa  personne  s'est  offert  pour  nostre  redemption  et  pour  abolir  toutes  nos  fautes,  et  que  maintenant  il  ne  cesse  d'interceder  pour  nous:  faut-il  craindre  que  nous  n'obtenions  pardon  en  son  nom,  et  que  nous  ne  soyons  tousiours  receus  de  Dieu  en  toute  humanite  et  grace?  Mais  comme  i'ay  desia  touche,  la  malice  du  monde  se  declare  en  ceci,  quand  on  ne  se  peut  contenter  d'avoir  un  seul  mediateur.  Les  Papistes  iront  cercher  leurs  saincts  et  leurs  sainctes  pour  patrons  et  advocats.  Et  qui  en  est  cause?  Pource  qu'ils  n'attribuent  point  a  Iesus  Christ  ceste  dignite,  qu'ils  se  cognoissent  estre  rachetez  par  sa  mort  et  passion.  Ils  diront  bien,  Fils  de  Dieu  et  Redempteur:  mais  ils  ne  le  cognoissent  point  pour  leur  Advocat,  et  n'y  ont  point  leur  refuge,  ils  ne  savent  que  c'est  de  le  prier,  et  n'en  est  point  nouvelles.  Et  de  nostre  coste  en  faisons-nous  nostre  devoir,  comme  il  appartient?  Ie  di  ceux  qui  sont  deuement  enseignez.  Car  toutes  fois  et  quantes  que  nous  devons  prier  Dieu,  il  faut  que  ce  sacrifice  eternel  par  lequel  redemption  nous  a  este  acquise,  nous  viene  devant  les  yeux  et  en  memoire.  Or  nous  n'y  pensons  sinon  par  acquit:  et  il  y  en  a  beaucoup  si  lourds  et  si  bestes,  combien  qu'ils  devroyent  avoir  les  aureilles  assez  batues  que  Iesus  Christ  est  nostre  advocat,  qui  ne  peuvent  point  discerner  entre  Dieu  et  nostre  Seigneur  Iesus  Christ,  tellement  que  quand  ils  doivent  invoquer  le  Pere  au  nom  de  Iesus  Christ,  ils  ne  savent  s'il  y  a  un  Advocat  qui  intercede