32:506  picquer:  a  ce  qu'il  y  ait  tousiours  plus  de  vehemence  en  nous  pour  aller  a  luy  avec  plus  ardent  desir  et  meilleur  courage.  Tellement  que  nous  parvenions  en  la  fin  a  ceste  perfection,  a  laquelle  Dieu  nous  appelle  et  nous  convie:  c'est  que  nous  ayant  desveloppez  de  nostre  chair  et  de  nostre  nature,  il  nous  conioigne  plenement  a  sa  iustice,  et  que  sa  gloire  reluise  en  nous.  Suyvant  ceste  saincte  doctrine,  nous-nous  prosternerons  devant  la  face  de  nostre  bon  Dieu,  en  cognoissance  des  fautes  innumerables,  par  lesquelles  nous  ne  cessons  de  provoquer  iournellement  son  ire  contre  nous.  Le  priant  qu'il  luy  plaise  de  nous  faire  sentir  nos  maux  et  nos  vices,  mieux  que  nous  n'avons  point  fait:  voire  afin  de  cercher  les  remedes,  qui  nous  sont  ordonnez  par  luy,  de  nous  exercer  en  la  lecture  de  sa  saincte  Parole,  et  en  la  predication  qui  nous  en  est  iournellement  faite.  Et  cependant  que  nous  ne  laissions  pas  de  l'invoquer,  afin  que  par  son  sainct  Esprit  il  besongne  au  dedans  de  nos  coeurs:  et  qu'il  ne  permette  point  que  la  doctrine  que  nous  oyons  par  la  bouche  des  hommes  soit  inutile,  mais  qu'elle  ait  sa  vertu  et  son  effet,  tellement  que  de  iour  en  iour  nous  soyons  confermez  en  icelle:  et  que  de  plus  en  plus  nous  apprenions  de  renoncer  au  monde,  et  a  tout  ce  qui  nous  pourroit  destourner  d'estre  unis  et  conioints  a  nostre  Seigneur  Iesus  Christ  qui  est  nostre  chef.  Que  non  seulement  il  nous  face  ceste  grace,  mais  aussi  a  tous  peuples  et  nations  de  la  terre,  etc.  T  R  O  I  S  I  E  M  E  SERMON.  Du  Dimanche  22.  iour  de  Ianvier,  1553.  Troisieme  iiuictain.  GIMEL.  Fay  ce  bien  a  ton  serviteur,  afin  que  ie  vive,  et  ie  garderay  ta  Parole.  Descouvre  mes  yeux,  afin  que  ie  considere  les  merveilles  de  ta  Loy.  ,  le  suis  pelerin  en  la  terre,  ne  cache  donc  point  de  moy  tes  commandemens.  Mon  ame  est  transie  du  desir  qu'elle  a  en  tout  temps  envers  tes  iugements.  Tu  as  deffait  les  orgueilleux:  ceux  qui  se  desvoyent  de  tes  commandemens  sont  maudits.  Oste  de  moy  l'opprobre  et  le  mespris:  car  i9ay  garde  tes  tesmoignages.  Les  princes  mesmes  se  sont  assis,  et  ont  parle  contre  moy:  cependant  ton  serviteur  devisoit  de  tes  statuts.  Aussi  tes  tesmoignages  sont  mes  passetemps,  et  les  gens  de  mon  conseil.  Nous  aurions  beaucoup  profite,  si  nous  scavions  quelle  est  la  fin  de  nostre  vie,  pourquoy  c'est  que  Dieu  nous  a  mis  au  monde,  et  qu'il  nous  y  nourrit:  mais  il  y  en  a  bien  peu  qui  y  pensent.  Il  est  vray  qu'un  chacun  respondra,  que  c'est  bien  raison  que  nous  facions  hommage  de  nostre  vie  a  Dieu,  puis  que  c'est  de  luy  que  nous  la  tenons:  et  aussi  qu'il  soit  glorifie  de  tant  de  biens  qu'il  nous  eslargit.  Mais  quoy?  Quand  ,nous  avons  confesse  cela,  c'est  pour  monstrer  nostre  ingratitude:  car  nul  ne  s'en  acquite  cependant.  Voyla  pourquoy  le  S.  Esprit,  voyant  les  hommes  tant  attachez  a  ce  monde,  leur