20:506  Je  scay  quant  a  la  confession  de  vostre  Chrestiente,  en  quelle  captivite  vous  estes,  Et  ne  suis  pas  tant  inhumain  que  en  considerant  les  dangers,  ie  ne  supporte  vostre  infirmite  en  ce  que  vous  ne  declares  pas  a  bouche  ouverte  devant  tout  le  monde  ce  que  dieu  vous  a  donne  a  cognoistre  de  son  evangile.  Toutesfois  il  n'y  a  dangier  qui  vous  excuse  que  chascun  de  vous  selon  la  grace  quil  a  receue  ne  soit  tenu  d'edifier  son  prochain,  en  tant  quil  en  a  le  moien  et  occasion.  Ie  dis  en  doctrine.  Toutesfoys  advises  de  faire  cela  prudemment,  en  discernant  quant  il  sera  mestier  de  parler  et  combien,  moyennant  que  vostre  prudence  ne  soit  pas  charnelle  ne  mondaine  pour  vous  conseiller  de  plus  tost  esteindre  la  lumiere  que  de  vous  exposer  en  aucun  danger  pour  l'honneur  de  Dieu  et  le  salut  de  vos  paovres  freres  errans.  Car  voyla  ce  que  aulcuns  appellent  prudence,  d'ensepvelir  Jesuschrist  de  paour  d'encourir  la  haine  du  monde.  Mays  pource  que  cest  une  trop  grande  perversite  de  nous  tant  regarder  que  nous  preferions  ou  mesmes  comparons  nostre  seurete  au  devoir  que  nous  avons  a  nostre  pere  celeste,  pries  le,  mes  freres,  qu'il  vous  donne  esprit  de  discretion  pour  vous  faire  droictement  iuger  le  temps  de  parler  et  le  temps  de  vous  taire.  Sur  tout  que  ce  ne  soit  pas  par  maniere  de  curiosite6)  ne  par  ambition,  ne  par  legerete,  mais  avec  une  gravite  meure  et  par  une  droicte  affection  de  profiter.  Et  pour  tant  eslises  comme  le  plus  expedient  ce  qui  sera  le  plus  propre  a  edifier.  Que  s'il  en  advenoit  quelque  facherie  ou  persecution,  advises  de  bonne  heure  a  vous  armer  et  fortifier,  afin  que  lors  vous  soyez  tant  mieulx  preparez  pour  resister  a  toutes  les  tentations  qu'on  vous  pourroit  faire  pour  vous  rompre  le  coeur.  Ie7)  ne  scay  pas  en  quel  estat  vous  en  estes  maintenant,  et  mesmes  nous  sommes  en  grande  perplexite  et  solicitude,  attendant  nouvelles  de  lissue  que  nostre  bon  Dieu  aura  donnee  a  la  persecution  qui  a  este  esmeue  par  dela.  Mais  comme  ce  bon  Dieu  a  promis  dassister  aux  siens  tousiours,  et  Pa  bien  monstre  par  experience  en  tous  ceux  qui  Tont  invocque,  ne  doubtez  point  qu'il  ne  soit  pres  de  vous  pour  vous  ayder  et  empescher  la  raige  de  voz  ennemis,  a  ce  qu'ilz  ne  puissent  faire  ce  quilz  vouldroient  bien.  Neantmoins  encor  que  ce  fust  sa  voulonte  de  leur  permettre  la  puissance  de  vous  mal  traicter  pour  esprouver  vostre  patience,  si  ne  fauldroit  il  pas  pourtant  fleschir  ne  reculer,  car  il  nous  doibt  bien  suffire  que  le  seigneur  nous  console  par  sa  bonte  au  milieu  des  tribulations.  Advises  doncq  de  vous  exercer  en  tant  de  belles  remonstrances  6)  necessite  Bt.  7)  Autographe  de  Calvin  jusqu'aux;  mots:  ne  doubtez  point  qu'il  ne,  incl.