9:505  505  CHRISTI  IN  COENA.  506  Merces  ab  Heshusio  mihi  refertur,  qualem  praeceptori  suo  Melanchthoni  rependit.  Falsos  testes  infamia  leges  notant:  calumniatoribus  graves  et  severas  statuunt  poenas.  Quo  atrocius  est  crimen  publicas  tabulas  corrumpere,  eo  durius  plectendus  est  hic  nebulo,  qui  in  hoc  uno1)  capite  trium  criminum  tenetur  convictus:  quia  et  me  indigna  calumnia  gravat,  et  scelerate  contra  me  mentitur  tanquam  testis,  et  palam  falsarius  est.  Non  certo2)  frigidis  dicteriis,  quibus  cur  me  tam  cupide  lacessat  nescio:  nisi  forte  quia  vsibi  a  talione  non  metuit,  stem  ipsam  urgeo:  quod  minime  vellet.  Dico,  quamvis  Christus  secundum  carnem  a  terris  absit,  nos  tamen  vere  in  coena  corpore  et  sanguine  eius  pasci,  et  [pag.  72]  fieri  arcana  spiritus  virtute,  ut  fruamur  utriusque  praesentia.  Dico  non  obstare  locorum  distantiam,  quo  minus  caro,  quae  semel  crucifixa  est,  nobis  in  alimentum  detur.  Supponit  Heshusius,  quod  longe  remotum  est,  me  fingere  solam  deitatis  praesentiam.  Atqui  de  loco  tantum  disceptatio  est:  sed  quia  non  patior  Christum  sub  pane  includi,  deglutiri  et  transmitti  in  ventrem,  causatur  me  ambiguis  vocibus  involvere  doctrinam.  Atque  ut  pietatis,  quam  nunquam  gustavit,  studium  aliquod  simulet,  praeceptum  Pauli  obtendit,3)  retinendam  esse  ὑποτύπωσιν  sanorum  sermonum  (2  Tim.  1,13).  Quasi  vero  ad  vivam  et  expressam  Paulinae  doctrinae  effigiem  accedant  haec  portenta,  vel  quidquam  affine  habeant  :  Panem  proprie  et  substantialiter  esse  corpus  Christi:  corpus  ipsum  ore  comedi  corporaliter,  et  intra  nos  transmitti.  Hic  autem  bonus  Pauli  imitator,  in  brevissimo  libello  sexaginta  aut  circiter  scripturae  locos  tam  insulse  depravat,  ut  facile  constet  ne  tenuissimam  quidem  umbram  vivae  illius  repraesentationis,  de  qua  loquitur  Paulus,  in  eius  animum  subiisse.  Frustra  autem,  quo  maiore  licentia  proterviat,  Saxonicas  ecclesias  nobis  opponit,  et  iniuste  a  nobis  accusari  conqueritur.  Nam  ut  multa  praeteream  quae  occurrunt,  tantum  scire  velim,  an  non  ipse  eiusque  sodales  duos  oculos  Saxoniae  eruere  iam  aliquot  annis  conati  sint,  Wittebergensem  scholam,  et  Lipsicam.  Quid,  obsecro,  duobus  his  exstinctis  luminibus,  iactatur  inane  nomen  Saxoniae?  De  accusatione  sic  habendum  est:  non  esse  cur  nos  poeniteat  Marcioni  et  Capernaitis  conferre  quicunque  immensitatem  carnis  Christi,,  vel  ubiquitatem  asserunt,  vel  simul  volunt  esse  in  pluribus  locis.  Nam  quod  duas  inter  se  sententias  committit,  panem  esse  signum  absentis  [pag.  73]  corporis;  et  corpus  vere  et  substantialiter  adesse,  et  sub  pane  dari,  responsio  facilis  est:  Inter  haec  duo  extrema  aliquid  esse  medium,  dari  quidem  corpus  1)  in  loco  uno  Beza  et  Amst.  2)  certe  iidem.  3)  obtendi  iidem.