7:505  505  CUM  ANTIDOTO.  506  cum  quisque  reputet,  quibus  illa  finibus  terminetur,  yel  quousque  pateat.  Non  tantundem  valet  eiusmodi  praefatio,  ac  si  papae  licitum  esse  iuberent  quod  libuerit?  Quale,  obsecro,  malis  remedium  afferunt,  sic  agendo?  Neque  enim  eorum  quae  corrigenda  suscipiunt,  quidquam  hactenus  usitatum  fuit,  tanquam  communi  iure  permissum:  sed  quod  leges  prohibebant,  dispensationibus  effectum  est,  ut  impune  fieret.  Itaque  nunquam  iactarunt,l)  se  regulam  ipsam  tenere:  sed  quia  legibus  soluti  erant,  licitum  putarunt,  quod  per  se  legitimum  alioqui  non  erat.  Nunc  cavent  Neptunii  patres,  ne  sit  in  posterum  melius:  quum  diserte  excipiunt,  ne  quid  minuatur  ex  romanae  curiae  potentia:  nam  ut  mille  iam  nectantur  legum  nodi,  exsertus  est  Alexandri  ensis,  qui  simul  omnes  rescindat.  An  poterant  magis  aperte  illudere  orbi  christiano?  Quid  dico  illudere?  An  contumelia  maiore  insultare  poterant  bonorum  exspectationi,  quum  ita  praecise  barbaroque  fastu  tam  effrenatae  papae  tyrannidi  modum  se  imposituros  negant?  Utcunque  iam  ad  omnia  mala  occalluerint,  qui  sub  papatu  degunt,  diceres  [pag.  287]  tamen  hac  una  in  parte  servitutis  oblitos,  quod  non  modo  liberos  gemitus,  sed  altos  clamores  passim  edunt:  dispensationibus  perditam  esse  ecclesiam.  Conversi  sunt  omnium  oculi  in  venerandos  patres,  quasi  severi  animosique  censores,  ad  cohibendam  eiusmodi  libidinem,  sedeant.  Sesquiannum  meditati,  tandem  pronunciant,  sibi  placere  veterem  disciplinam,  modo  sedi  apostolicae  ius  dispensandi,  quale  fuit,  maneat.  Hoc  est  dicere:  ut  eatenus  ratae  sint  leges,  ne  gratuita  sit  libertas,  sed  pretio  redimatur.2)  Et  ne,  verecundia  impeditus,  parum  audacter  exerceat  papa  hanc  potestatem,  titulum  universalis  episcopi,  quem  Gregorius  nefarium,  sacrilegum,  scelestum,  praenunciumque  Antichristi  appellat,  subinde  illi  confirmant,  dum  episcopis  nihil  aliud  relinquunt,  quam  ut  sint  ipsius  vicarii.  Ubi  nunc  illa,  quam  Hieronymus  praedicat,  aequalitas,  dum  romanum  episcopum  comparat  Eugu-  1)  Scilicet:  ceux  qui  ont  ^transgresse  les  canons  anciens,  ut  dicit  Gallus.  2)  Add.  comme  de  coustume.