6:505  REFORMANDAE  ECCLESIAE.  89]  An  non-eo  modo  inglorius  relinquitur  Christus?  quasi  sacerdotis  officio  semel  in  morte  defunctus  illud  nunc  sanctis  resignaverit  An  tunc  etiam  tacendum  est,  ubi  praecipua  Christi  dignitas,  et  quae  illi  tanto  pretio  constitit,  ab  eo  per  summam  contumeliam  erepta,  inter  sanctos,  quasi  hostile  spolium,  distribuitur?  At,  sic  loquendo,  Christum  non  negant  etiam  nunc  pro  nobis  intercedere:  modo  id  facere  intelligamus  una  cum  sanctis:  nempe,  ut  unum  quemlibet  ex  grege.  Praeclarum  vero  honorem  sibi  acquisivit  Christus  suo  sanguine,  si  hoc  tantum  consequutus  est,  ui  socius  esset  Hugonis,  aut  Lubini,1)  aut  alterius  cuiuspiam  ex  ultima  iacce  sanctulorum,  quos  pontifex  romanus  suo  arbitrio  creavit.  Non  enim  hic  quaeritur  an  orent  illi  quoque:  qua  de  re  nihil  scire  satius  est,  quum  scriptura  nullam  faciat  mentionem:  sed  hoc  est  de  quo  contendimus,  Christone,  aut  praetermisso,  aut  neglectim  habito,  aut  in  totum  valere  iusso,  ad  sanctorum  patrocinia  circumspectare  liceat:  vel  si  quis  malit  apertius,  sitne  unicus  sacerdos  Christus,  qui  et  sanctuarium  Dei  patris  nobis  aperiat,  nosque  illuc  solus  manuducat,  et  patrem  sua  deprecatione  ad  preces  nostras  exaudiendas  flectat,  in  cuius  clientelam  concedere,  et  cuius  nomen  obtendere  in  precibus  debeamus:  an  communiter  hoc  munus  cum  aliis  sanctis  sustineat.  Quanquam  non  solius  sacerdotii  honore,  sed  omnium  quoque  suorum  beneficiorum  gratia  Christum  magna  ex  parte  fuisse  exutum,  superius  demonstravi,  [pag.  90]  Nam  redemptor  quidem  vocatur:  sed  ita,  ut  se  quoque  ex  peccati  et  mortis  servitute,  per  liberum  arbitrium,  homines  redimant.  Vocatur  quidem  iustitia  et  salus:  sed  ita,  ut  ipsi  sibi  operum  meritis  homines  salutem  acquirant.  Scholasticos  enim  nihil  pudet  huc  restringere  inaestimabile  illud  redemptionis  beneficium^  cui  enarrando  nulla,  nec  hominum,  nec  angelorum  facundia  sufficiat:  ut  dicant  eum  nobis  contulisse  primum  meritum,  quod  occasionem  merendi  interpretantur:  nos  vero,  hoc  adminiculo  adiutos,  vitam  aeternam  operibus  propriis  mereri.  Fatentur  quidem,  Christi  sanguine  nos  ablutos  esse  a  peccatis:  sed  ita,  ut  se  quisque  ascitis  hinc  inde  lavacris  purget.  Habet  quidem  mors  Christi  sacrificii  titulum:  sed  ita,  ut  quotidianis  hominum  sacrificiis  peccata  expientur.  Dicitur  quidem  Christus  reconciliasse  nos  Deo  patri:  sed  conditio  additur,  ut  satisfactionibus  suis  redimant  homines  poenas  Dei  iudicio  debitas.  Quum  supplementum  quaeritur  ex  clavium  beneficio,  nihilo  plus  honoris  habetur  Christo,  quam  Cypriano  aut  Cyricio.2)  Martyrum  enim  et  Christi  merita  simul  permiscent,  ut  conficiant  ecclesiae  thesaurum.  1)  Gallus  habet:  sainct  Lubin  ou  sainct  Thibaut.  2)  Gallus  scnfat  a  sainct  George  ou  a  sainct  Guillaume