40:505  505  IN  EZECHIELIS  PROPH.  CAP.  XX.  506  est  sentire  primo  quam  non  esset  excusabilis  sua  impietas,  et  contumacia:  deinde  quum  experientia  simul  didicit,  Deum  minime  esse  placatum,  quia  rursus  accensa  fuerat  eius  ira.  Apud  Isaiam  paulo  aliter  loquitur.  Venite  iudicemur,  inquit,  disceptabo  vobiscum.  Nam  paratus  illic  est  causam  suam  agere  quasi  ex  aequo.  Sed  tandem  summa  huc  redit,  litem  definiri,  ubi  constat  populum  non  immerito,  sed  ob  sua  scelera  a  Deo  castigari.  Sic  ergo  disceptavit  cum  patribus  in  deserto  Aegypti,  nempe  quia  omnes  privavit  terrae  ingressu.  Deinde  quia  saepius  poenas  sumpsit  de  murmuribus,  de  concupiscentia  perversa,  de  libidine  ipsorum,  de  idololatria,  et  aliis  sceleribus.  Hinc  discamus,  quoties  apparent  aliqua  signa  irae  Dei,  ipsum  disceptare  nobiscum.  Non  possumus  autem  contumaciter  resistendo  quidquam  proficere.  Ergo  unicum  istud  restat,  ut  culpam  deprecemur.  Sequitur,  37.  Et  transire  faciam  vos  sub  virga,  et  adducam  vos  in  vinculo  foederis.  Prosequitur  eandem  doctrinam,  quod  scilicet  populum  non  sinet  diffluere,  quia  eum  acquisierat:  quasi  diceret  fore  semper  suos,  velint  nolint.  Et  tamen  videtur  hic  promittere  quod  ipsis  optabile  erat,  nempe  ut  tanquam  gregem  suum  recenseat.  Id  enim  est  traiicere  sub  virga.  Nam  ��02t#,  hic  non  significat  sceptrum,  neque  baculum  quo  percutitur  qui  deliquit,  sed  accipitur  pro  pedo  pastoris.  Est  igitur  sumpta  similitudo  a  pastore,  qui  gregem  suum  numerat  ac  recenset:  et  haec  loquutio  saepius  occurrit.  Summa  est,  quia  Deus  semel  acquisivit  populum  illum,  non  posse  iure  suo  fraudari.  Imaginati  quidem  fuerant  exsules  se  fore  liberos,  si  delerent  ex  animis  suis  et  memoria  nomen  veri  Dei,  et  se  polluerent  inquinamentis  gentium.  Deus  autem  ex  opposito  pronuntiat,  sicuti  pastor  oves  suas  agnoscit,  et  numerum  supputat,  et  sub  pedo  suo  transire  facit,  ac  si  quis  rex  exercitum  suum  lustraret:  ita  se  eos  numeraturum  nec  passurum  quemquam  sibi  eripi,  quin  omnes  absque  exceptione  asserat  sub  sua  ditione.  Nunc  ergo  tenemus  sensum  verborum:  unde  rursum  colligimus,  nihil  aliud  consequi  omnes  praefractos  homines  sua  duritie  quam  ut  Deus  re  ipsa  ostendat  dominium  quod  semel  sumpsit  sibi  non  posse  ullo  modo  eripi.  Ita  hic  locus  docet  qualis  merces  omnes  apostatas  maneat,  qui  se  putant  emancipari,  ubi  belluino  more  ad  impietatem  se  proiiciunt:  quia  Deus  tandem  sub  virga  ipsos  transire  faciet,  hoc  est,  vocabit,  et  coget  ad  reddendam  rationem,  ac  si  professio  fidei  ipsorum  cordibus  esset  quodammodo  instar  cauterii  inusta.  Dicit  in  vinculis  foederis,  sed  alio  sensu  quam  Hoseas  (ll,  4)  nominat  vinculum  dilectionis.  Illic  enim  de  reconciliatione  agitur:  sed  hoc  loco  non-