35:505  505  IOB  CHAP.  XLII.  506  vant  les  arnis  de  Iob  le  tenoyent  comme  un  homme  reprouve,  ils  faisoyent  les  iuges  sans  recevoir  excuse  aucune,  ils  parloyent  bravement  contre  Iob  comme  si  c'eust  este  un  povre  ver  de  terre,  et  encores  une  chose  plus  contemptible.  Or  maintenant  ils  vienent  a  luy,  voire  le  supplians.  Et  pourquoy?  Dieu  les  a  despouillez  de  cest  orgueil  qui  les  aveugloit  auparavant.  Yoila  donc  d'ou  viendra  le  changement,  assavoir  quand  nous  serons  huiniliez  devant  Dieu,  et  qu'il  aura  parle  a  nos  coeurs,  en  sorte  que  nous  cognoissions  qui  nous  sommes:  car  il  n'y  a  rien  qui  nous  empesche  de  cheminer  en  crainte,  et  d'estre  du  tout  abbatiis,  sinon  que  nous  sommes  enyvrez  d'une  folle  presomption,  que  nous  cuidons  estre  ce  que  nous  ne  sommes  pas.  Ainsi  il  faut  que  Dieu  nous  enseigne:  car  tous  les  hommes  du  monde  ne  nous  sauroyent  corriger  de  ceste  folle  arrogance  de  laquelle  nous  sommes  enflez,  iusques  a  ce  que  Dieu  y  ait  mis  la  main.  Mais  outre  ce  que  les  amis  de  Iob  ont  oublie  cest  orgueil  qui  les  transportoit  auparavant,  ils  ont  aussi  declare  leur  repentance  en  obeissant  a  Dieu:  comme  c'est  le  vray  fruict  qui  monstre  la  bonne  racine,  laquelle  autrement  seroit  cachee  au  coeur,  quand  nous  demandons  de  nous  renger  a  ce  que  Dieu  ordonne.  Et  voila  pourquoy  aussi  il  est  dit  aux  Actes  (2,  37),  Que  ferons-nous  hommes  freres?  Quand  S.  Pierre  a  comme  foudroye  contre  ceux  qui  auparavant  estoyent  contempteurs  de  nostre  Seigneur  Iesus  Christ:  il  est  dit,  qu'ayans  este  navrez  en  leurs  coeurs,  ayans  senti  ceste  pointe-la,  alors  ils  ont  dit,  Que  serons  nous?  Ils  se  sont  offerts  a  Dieu  pour  suivre  tout  ce  qu'il  leur  seroit  commande.  Nous  voyons  donc  un  tel  fruict  de  repentance  en  ce  passage:  c'est  que  les  amis  de  Iob  apres  s'estre  cognus,  apres  avoir  oste  ceste  folle  outrecuidance  de  laquelle  auparavant  ils  estoyent  tentez,  vienent  et  font  tout  ce  que  Dieu  a  prononce.  Et  ainsi  quand  nous  aurons  este  humiliez  devant  Dieu  pour  nous  desplaire,  nous  aurons  aussi  vouloir  et  affection  de  nous  assuiettir  a  la  parole  de  Dieu:  car  c'est  une  partie  aussi  de  nostre  arrogance  de  faire  ce  que  nous  avons  imagine  en  nostre  cerveau.  En  voulant  estre  trop  sages,  nous  ne  pouvons  obeir  a  Dieu:  mais  quand  nous  sommes  despouillez  de  tout  orgueil,  nous  cognoissons  que  Dieu  doit  avoir  autorite  pour  nous  dire  ce  qui  est  bon  de  faire,  et  qu'il  ne  nous  reste  sinon  de  nous  renger  la  sans  aucun  contredit.  Or  il  est  quant  et  quant  adiouste,  Que  Dieu  a  receu  la  face  de  loi,  et  qu'il  a  converti  sa  captivite,  ou  qu'il  s'est  retourne  a  sa  repentance,  quand  il  a  prie  pour  ses  amis.  Puis  qu'ainsi  est  que  Dieu  a  exauce  la  face  de  Iob,  qu'il  a  eu  son  oraison  agreable  pource  qu'il  l'avoit  establi  Sacrificateur:  ie  vous  prie,  n'avons-nous  pas  une  certitude  beau-