32:505  505  SUR  LE  PSEAUME  CXIX.  506  biens  de  ce  monde,  et  qu'ils  pensent  estre  malheureux  sinon  qu'ils  ayent  de  quoy  et  qu'ils  soyent  tousiours  bien  garnis:  retenons  la  lecon  qui  nous  est  yci  monstree:  c'est  ascavoir,  qu'il  faut  que  tout  nostre  desir  soit  en  la  voye  des  tesmoignages  de  Dieu,  comme  en  toutes  les  richesses:  c'est  a,  dire,  que  nous  ayons  la  tout  nostre  contentement  et  repos.  Or  en  la  fin  David  adiuoste,  Ie  m'exerceray  en  tes  commandemens,  et  garder  ay  tes  voyes:  ie  prendray  plaisir  en  tes  statuts,  et  rioublieray  point  ta  parole.  C'est  la  conclusion,  qui  est  pour  confermer  le  propos  que  nous  avons  desia  tenu:  car  David  ne  dit  rien  yci  de  nouveau,  mais  ii  proteste  que  comme  il  avoit  commence,  qu'il  prendra  tousiours  plaisir  aux  commandemens  de  Dieu,  et  en  la  doctrine  qui  est  contenue  en  l'Escriture  saincte,  et  qu'il  appliquera  la  toute  son  estude,  qu'il  y  continuera,  que  iamais  ne  mettra  en  oubly  le  desir  de  profiter  en  l'obeissance  de  Dieu.  Or  si  David  a  ainsi  parle,  cognoissons  que  ce  n'est  pas  assez  que  nous  ayons  une  bonne  affection  en  nous  de  nous  adonner  au  service  de  Dieu,  et  que  pour  ce  faire  il  y  ait  desia  besongne:  mais  il  nous  faut  donner  des  coups  d'esperon,  pour  nous  faire  tousiours  avancer  de  plus  en  plus.  Car  iamais  les  fideles  ne  courront  d'une  telle  ardeur,  que  tousiours  ils  'ne  trainent  quelque  iambe,  et  qu'ils  ne  viennent  a  Dieu  comme  en  clochant.  Que  fautil  donc?  En  protestant  avec  David  que  nous  ne  mettrons  point  en  oubly  ce  que  Dieu  nous  a  monstre  une  fois,  que  nous  continuons  aussi  a  nous