20:505  505  SUPPLEMENTUM.  506  par  sa  bonte  infinie,  veu  qu'il  ne  trouve  en  nous  que  paovrete  et  misere,  qui  seroit  pour  Pinduire  plus  tost  a  nous  reiecter  qu'a  nous  accepter,  si  non  qu'il  print  occasion  de  nostre  malheurete  d'exercer  envers  nous  sa  misericorde.  Parquoy,  mes  freres,  quil  vous  souvienne  que  tout  ainsi  que  du  commencement  1e  seigneur  Jesus  a  este  gratuitement  promis  du  pere  celeste  a  noz  peres,  c'est  a  dire  aux  premiers  patriarches  et  a  tout  le  peuple  disrael,  sans  qu'ilz  eussent  rien  de  leur  coste  pour  estre  dignes  de  recevoir  un  tel  bien,  tout  ainsi  pareillement  qu'il  a  este  expose  a  la  mort  par  la  pure  misericorde  du  pere  pour  la  redemption  de  ceulx  qui  estoient  ses  ennemis,  que  aussi  maintenant  il  vous  a  este  presente  en  salut  par  une  mesme  grace.  Car  nous  experimentons  tous  ensemble  comme  Dieu  verifie  en  nous  ce  qu'il  a  dict  par  son  prophete  Esaie,  assavoir  qu'il  s'est  monstre  a  ceulx  qui2)  ne  le  cherchoient  pas  et  est  apparu  a  ceulx  qui  ne  senqueroient  point  de  luy.  Nous  estions,  dis  ie,  errans  a  travers  champs,  comme  paovres  brebis  esgarees,  et  ce  bon  pasteur  Jesuschrist  par  lordonnance  de  dieu  son  pere  nous  est  venu  chercher  pour  nous  amener  en  son  troppeau.  Quil  vous  souvienne  doncq,  comme  iay  dict,  de  quel  abysme  vous  estes  sortis  pour  entrer  au  royaulme  de  Dieu,  de  quelles  tenebres  dieu  vous  a  retire  pour  vous  rendre  en  sa  lumiere3)  de  quelle  mort  il  vous  a  resussite  pour  vous  appeler  a  l'esperance  de  vie.  Cognoysses  semblablement  que  c'est  de  sa  pure  bonte4)  que  maintenant  il  vous  faict  persister  en  sa  saincte  parole.  Car  quelle  est  nostre  fragilite,  sinon  qu'il  nous  soustienne  par  sa  vertu.  Or  ceste  remonstrance  vous  doibt  servir  a  double  fin,  c'est  qu'en  crainte  et  humilite  vous  aprenies  en  vous  defiant  de  vous  mesmes  mettre  entierement  vostre  appuy  et  confert  en  luy.  Veillez  en  prieres  et  oraisons  estre5)  tousiours  au  guet  pour  resister  au  diable,  vous  armer  et  munir  de  la  vertu  de  celuy  lequel  seul  vous  peult  donner  victoire.  Secondement  qu'elle  vous  incite  et  enflambe  a  aymer  ce  bon  Dieu  d'un  amour  dautant  plus  ardent  que  le  sien  qu'il  vous  a  monstre  est  non  seulement  grant,  mays  inestimable,  afin  de  ne  vous  rendre  indignes  de  ses  benefices  par  vostre  ingratitude.  Car  c'est  bien  raison  que  nous  respondions  a  sa  vocation,  ou  autrement  quil  nous  laisse  la  et  nous  reiecte  pour  se  venger  du  mespris  et  contemnement  de  sa  grace.  Advisez  doncq,  mes  freres,  de  cheminer  en  sorte  que  voz  parolles  et  voz  oeuvres  rendent  tesmoignage  que  vous  estes  enfans  de  Dieu.  2)  qui  ne  le  cherchoient  pas  et  est  apparu  a  ceulx  om.  Bb  3)  pour  vous  rendre  en  sa  lumiere  om.  Bt  4)  volonte  Bt.  5)  estans  Bt.