5:504  concilio  agi,  quid  aliud  est  quam  repressa  eorum  importunitate,  qui  adversus  portentosas  cleri  libidines  mussitant,  male  agendi  licentiam  in  posterum  maiorem  erigere?  et  deletis  omnibus  qui  sanctam  sedem  inquietant,  omnem??vel  [fol.  46]  correctionem  vel  reformationem  excludere?  Vetare  autem,  ne  qua  concordia,  nisi  ex  animi  sui  sententia,  recipiatur,  quid  aliud  est  quam  denunciare  irreconciliabile  dissidium,  donec  ipse  omnis  pietatis  adversarius  iis  conditionibus  pacem  dederit,  quae  exstincta  evangelii  luce  Christum  totum  ex  hominum  mentibus  obliterent.  Sed  videbor  illi  iniuriam  facere,  quando  longe  aliud  prae  se  fert.  Videre  enim  iubet,  utrum  sit  magis  noxium  et  in  maiorem  Dei  offensionem  cessurum,  Grermaniaene  auxilio  destitui  Christianos  contra  Turcam,  an  ipsius  Dei  cultum  et  religionem  destrui.  Tantane  impietas  est  protestantium  ut  nulla  cum  illis  pax  haberi  queat  nisi  everso  Dei  cultu,  religione  excisa?  Non  est  credibile  eos  qui  doctrinae  suae  summam  publicarunt,  nihil  magis  desiderant  quam  ab  omnibus  piis  examinari,  de  ea  satisfacere  bonis  omnibus  parati  sunt,  non  refugiunt  ecclesiasticum  iudicium,  huc  tendere  sic  agendo  ut  religio  verusque  Dei  cultus  destruatur.  Sed  quid  coniecturis  pugnandum  est?  quasi  rei  veritas  procul  eruenda  sit,  qua  nihil  est  apertius.  Integer  est  scilicet  et  illibatus  Dei  cultus  sub  papa,  ubi  tot  dii  eriguntur,  quot  consecrantur  ab  eo  sancti,  ubi  creaturae  pro  ipso  Deo  invocantur,  ubi  de  Christi  intercessione,  qua  sola  verus  Dei  cultus  sustinetur,  altum  est  silentium,  ubi  omnia  quae  Christi  maxime  propria  sunt  ad  sanctulos  nescio  quos  transferuntur,  ubi  mortuorum  cadavera  palam  adorantur,  ubi  supplicatur  statuis  et  picturis,  ubi  denique  non  nisi  praeposteris  modis  colitur  Deus  ipse  pro  sua  portione.  Quid  enim?  an  legitimus  est  ritus  colendi  Dei?  vocibus  non  intellectis  multas  horas  in  templis  detonare,  thus  adolere,  candelas  multas  accendere,  multis  histrionicis  caeremoniis  oculos  simplicium  oblectare,  interim  nullam  afferre  animi  attentionem,  nec  aliud  quam  obstupescere  in  illis  externis  pompis?  Alius  sane  deus  quaerendus  esset,  quam  is  qui  toties  asseverat,  omnes  illas  gesticulationes  nihil  se  morari,  cor  requirere,  non  alium  e&se  caeremoniarum  usum  nisi  ut  nobis  sint,  pro  modo  ruditatis  nostrae,  ad  pietatem  exercitia;  linguam  se  in  precibus  abominari,  cui  mens  non  respondet.  Sed  ego  haec  non  longius  persequar,  quia  multis  piorum  scriptis  clarissime  demonstratum  est,  totum  papatum  crassiore  idolatria  implicitum  esse,  quam  ut  aliqua  excusatione  celari  amplius  possit  tanta  abominatio.  Protestantes  autem  satis  testatum  mundo  fecerunt,  se  non  alia  ratione  adductos,  ut  tam  arduam  ac  difficilem  causam  susciperent,  nisi  ut  vindicarent  cultum  Dei  ac  suae  integritati  restituerent,  quem  talibus  inquinamentis  violari,  ferre  non  pote-