39:504  22.  Capitellum  autem  quod  erat  super  eam  aereum:  altitudo  vero  capituli  unius,  quinque  cubitorum  erat,  et  reticulum,  et  malogranata  super  capitellum  per  circuitum,  omnia  aerea  et  similia  erant  columnae  secundae,  et  malogranata.  23.  Fuerunt  autem  malogranata  nonaginta  et  sex  ad  plagam  (unam),  omnia  malogranata,  centum  super  reticulum  per  circuitum:  24.  Tulit  quoque  magister  militum  Seraiah  sacerdotem  primum,  et  Sephaniah  sacerdotem  secundum,  et  tres  custodes  liminis.  25.  Et  de  urbe  tulit  eunuchum  unum,  qui  erat  praepositus  super  viros  bellatores,  et  septem  viros  ex  iis  qui  videbant  faciem  regis,  qui  inventi  sunt  in  urbe,  et  scribam  principem  militiae,  qui  colligebat  ad  militiam  populum  terrae,  et  sexaginta  viros  de  populo  terrae,  qui  inventi  sunt  in  medio  urbis.  26.  Tulit,  inquam,  eos  Nebuzaradan  magister  militum,  et  deduxit  eos  ad  regem  Babylonis  in  Riblatha  :  21.  Et  percussit  eos  rex  Babylonis,  et  interfecit  eos  in  Riblatha  in  terra  Chamath,  et  translatus  est  Iehudah  de  terra  sua.  28.  Iste  est  populus  quem  transferre  fecit  Nabuchadrezer  anno  septimo,  Iudaeos  tria  milia,  et  viginti  tres.  29.  Anno  decimo  octavo  Nabuchadrezer  transferre  fecit  de  Ierusalem  animas  octingentas  triginta  duas.  30.  Anno  tertio  et  vigesimo  Nabuchadrezer,  transferre  fecit  Nebuzaradan  magister  militum,  Iudaeorum  animas  septingentas  quadraginta  quinque:  omnes  animae  quatuor  millia  et  sexcentae.  31.  Fuit  autem  tricesimo  septimo  anno  transmigrationis  Iehoiakim  regis  Iehudah,  duodecimo  mense,  vicesima  quinta  mensis  elevavit  Evilmerodach  rex  Babylonis,  anno  regni  sui,  caput  Iehoiakim  regis  Iehudah,  et  eduxit  eum  de  domo  carceris.  32.  Loquutusque  est  cum  eo  bona,  et  posuit  thronum  eius  super  thronum  regum,  qui  erant  secum  in  Babylone.  33.  Et  mutavit  vestimenta  carceris  eius,  et  comedebat  panem  coram  eo  semper  omnibus  diebus  vitae  suae.  34.  Et  portio  eius,  portio  perpetua  dabatur  ei  a  rege  Babylonis,  per  singulos  dies  eius:  usque  ad  diem  quo  mortuus  est,  omnibus  diebus  vitae  eius.