37:504  populus  Dei  vindictam  in  se  provocaverit,  ubi  ita  corrumpitur  omnis  ordo  tam  politicus  quam  spiritualis.  Hanc  ergo  iustam  poenam  Deus  rependit  delicti��  totius  populi,  dum  excaecat  sacerdotes  et  prophetas,  et  alios  praefectos.  Hoc  consilio  nunc  dicit  Ieremias  Sacerdotes  non  reputasse  ubi  esset  Iehovah.  Dicit,  Qui  tenent  legem.  WBn  significat  tenere  et  comprehendere,  significat  etiam  operire  interdum.  Ita  poterit  duplex  esse  sensus,  quod  sacerdotes  tenuerint  legem,  vel  quod  ipsam  habuerint  clausam  velut  sub  custodia.  Neque  tamen  quadraret,  suppressam  ab  ipsis  fuisse  legem:  quia  per  concessionem  hic  honorifice  loquitur  de  ipsis  Deus,  quanquam  hinc  ostendit  magis  esse  sceleratos,  quod  nullam  gesserint  curam  officii  sui.  Dicit  ergo,  Qui  legis  meae  erant  custodes,  non  quod  re  ipsa  custodirent  legem  Dei,  tanquam  apud  illos  vigeret  purus  zelus,  sed  quia  hoc  profitebantur.  Volebant  enim  censeri  quasi  nomophylaces,  qui  reconditum  haberent  thesaurum  coelestis  doctrinae,  quia  interrogandi  erant  quasi  spiritus  Dei  organa.  Quum  ergo  iactarent  se  tenere,  et  custodire  legem,  ideo  propheta  magis  acerbe  eos  perstringit,  quod  non  cognoverint  Deum  ipsum.  Et  videtur  Paulus  sumpsisse  ex  hoc  loco  quod  dicit  2.  ad  Rom.  cap.  (v.  20  sq.)  :  Tu  qui  tenes  formam  legis,  tu  qui  praedicas  non  scortandum  esse,  moecharis:  et  qui  damnas  idola,  ipse  es  sacrilegus:  nam  tu  observas  legem,  acquiescis  in  ipsa,  gloriaris  in  Deo,  penes  te  est  cognitio  et  scientia.  Paulus  his  verbis  detegit  hypocritarum  flagitia,  quod  scilicet  magis  sint  detestabiles  dum  ita  inflati  sunt  fallaci  gloria:  et  interea  profanant  sacrum  Dei  nomen,  dum  obtendunt  se  esse  eius  praecones,  et  quasi  prophetas.  Iam  videmus  hoc  secundum  de  sacerdotibus  dici,  et  ideo  vocari  custodes  legis,  quia  ad  hoc  creati  erant,  quemadmodum  cognoscimus  ex  Malachia.  Postea  adiungit,  Pastores  perfide  egisse  cum  Deo.  Possumus  hoc  transferre  tam  ad  consiliarios  regis,  quam  ad  omnium  urbium  praefectos.  Nec  dubito,  quin  propheta  complecti  voluerit  eos  omnes,  qui  praediti  erant  aliquo  imperio,  ut  populum  Dei  regerent.  Communiter  enim  tam  reges  et  eorum  consiliarii,  quam  prophetae  vocantur  pastores.  Dicit  etiam  Prophetas  prophetasse  per  Baal,  Nomen  propheticum  per  se  sacrum  est:  caeterum  xaxaxp^crxcxwc  hoc  loco  Ieremias,  ut  multis  aliis,  prophetas  nominat,  qui  tamen  erant  impostores.  Deus  enim  abstulerat  illis  omnem  lucem  verae  doctrinae.  Sed  quoniam  illam  existimationem  adhuc  tenebant  in  populo,  ac  si  essent  prophetae,  ideo  ab  officio,  et  vocatione  elogium  hoc  illis  concedit  propheta:  quemadmodum  hodie  vocamus  et  episcopos,  et  praelatos,  et  primates,  et  patres,  qui  in  papatu  gloriantur  se  fungi  munere  pastorali  :  et  tamen  scimus  esse  partim  lupos,  partim  vero  canes  mutos:  concedimus  illis  titulos  quibus  superbiunt,  quoniam  duplex  con-