35:504  Dieu,  nous  ayons  nostre  recours  a  la  mort  et  passion  de  nostre  Seigneur  Iesus  Christ:  car  nous  ne  pouvons  autrement  estre  reconciliez  avec  luy,  et  il  faut  que  nos  prieres  soyent  arrousees  du  sang  qu'il  a  espandu  pour  laver  nos  macules.  Voila  donc  comme  nous  serons  acceptables  a  Dieu,  encores  qu'a  bon  droit  il  nous  soit  ennemi  mortel,  et  que  comme  nous  luy  avons  fait  la  guerre,  aussi  sa  vengeance  et  malediction  soit  sur  nous:  c'est  que  neantmoins  il  ne  laissera  point  de  nous  recevoir  a  grace,  quand  nous  y  viendrons  avec  ce  sacrifice  qui  a  este  offert  de  nostre  Seigneur  Iesus  Christ,  l'appliquans  a  nostre  usage,  afin  que  et  nous  et  nos  prieres  soyent  benites  de  Dieu,  et  qu'il  accepte  le  tout.  Or  il  y  a  ici  a  noter,  quand  Dieu  dit,  Afin  que  ie  ne  face  folie  envers  vous  (car  voila  de  mot  a  mot  ce  qu'il  y  a  au  texte)  que  ceste  facon  de  parler  seroit  un  peu  dure:  mais  si  nous  regardons  ce  qui  est  contenu  au  Pseaume  18  (v.  27)  nous  pourrons  avoir  une  declaration  claire  et  facile  de  ce  mot.  Il  est  dit  que  Dieu  traitte  les  hommes  selon  qu'il  les  trouve:  le  feray  pervers  avec  les  pervers.  Cela  semblera  bien  estrange:  mais  ce  n'est  pas  a  dire  que  Dieu  change  de  propos,  ne  qu'il  soit  semblable  a  nous:  mais  seulement  cela  emporte  que  nous  trouverons  Dieu  comme  on  dit,  a  rude  asne,  rude  asnier:  car  si  nous  sommes  revesches,  et  que  nous  ayons  le  col  dur,  qu'il  ne  puisse  plier,  Dieu  viendra  a  grans  coups  de  marteau.  Or  il  nous  semble  alors  que  Dieu  soit  terrible  et  farouche.  Selon  donc  que  nous  trouverons  Dieu,  et  i'apprehendons  a  nostre  phantasie,  quand  il  frappe  sur  nous,  il  est  dit  qu'il  est  tel,  combien  que  nul  changement  ne  convient  a  sa  maieste.  Autant  en  est-ii  en  ce  passage.  Il  est  dit,  Afin  que  ie  ne  face  folie  avec  vous:  comme  si  nostre  Seigneur  disoit,  afin  que  ie  ne  vous  traitte  selon  vostre  folie  et  perversite:  car  le  mot  aussi  emporte  cela.  Afin  donc  que  ie  n'exerce  ma  vengeance  sur  vous,  c'est  a  dire,  que  ie  ne  vous  traitte  d'une  facon  telle  que  vous  l'avez  merite:  que  vous  veniez  a  mon  serviteur  Iob.  C'est  suivant  ce  que  nous  avons  desia  dit,  que  pource  que  les  amis  de  Iob  ayans  cognu  leurs  offenses  n'estoyent  point  encores  assez  mattez,  il  faut  que  Dieu  descouvre  leur  vergongne  tant  plus:  et  qu'ils  cognoissent  que  s'il  les  traittoit  selon  qu'ils  en  sont  dignes,  il  y  auroit  un  terrible  mesnage:  mais  quand  Iob  avec  ses  prieres  viendra  entre  deux,  alors  il  sera  appaise.  Or  leur  obeissance  nous  est  quant  et  quant  declaree,  qu'ils  ont  fait  tout  ainsi  que  Dieu  hur  avoit  ordonne.  Et  en  ceci  voyons-nous,  comme  les  hommes  changent  quand  Dieu  a  parle  vivement  a  eux,  voire  non  pas  seulement  pour  leur  faire  ouir  sa  voix  des  aureilles,  mais  afin  qu'ils  la  recoivent  de  coeur.  Car  aupara-