32:504  on  vouloit  faire  venir  du  ble  en  une  terre,  laquelle  fust  pleine  de  ronces,  d'espines,  et  de  mauvaises  herbes:  ou  qui  voudroit  fairo  croistre  du  vin  sur  des  pierres  et  des  rochiers,  ou  il  n'y  auroit  nulle  humidite:  car  qu'est  ce  que  de  la  nature  des  hommes?  c'est  une  terre  tant  sterile  que  rien  plus.  Qu'est  ce  de  toutes  leurs  affections,  sinon  des  ronces  et  des  espines,  et  mauvaises  herbes,  qui  sont  pour  suffoquer  et  aneantir  toute  la  bonne  semence  de  Dieu?  Ainsi  donc,  ce  n'est  pas  sans  cause  que  David  met  yci  les  richesses  a  l'opposite  de  la  parole  de  Dieu,  et  ceste  convoitise  dont  les  hommes  sont  menez  et  enflammez,  au  desir  qu'il  a  de  suyvre  Dieu,  et  de  cheminer  selon  sa  parole.  Comme  s'il  disoit,  Helas  Seigneur,  il  est  vray  que  ie  suis  adonne  aux  vanitez  de  ce  monde  aussi  bien  que  les  autres:  mais  tant  y  a  que  i'ay  desire  ta  Parole  sur  tout,  et  me  suis  efforco  de  tenir  toutes  les  affections  mauvaises  de  ma  chair  comme  captives.  Et  ainsi  nous  voyons  quelle  doctrine  nous  avons  a,  recueillir  de  ce  passage,  c'est  ascavoir  que  si  nous  voulons  estre  bons  escoliers  de  Dieu,  et  prendre  plaisir  ea  la  voye  de  ses  tesmoignages,  qu'il  faut  que  les  cupiditez  de  nostre  chair  soyent  dontees  auparavant,  et  que  nous  apprenions  de  n'estre  point  adonnez  aux  choses  de  ce  monde,  que  nous  ne  soyons  point  enveloppez  en  ce  que  les  hommes  imaginent  estre  le  comble  de  toute  leur  felicite:  mais  que  nous  scachions  mespriser  les  richesses,  et  tout  ce  qui  nous  destourne  de  Dieu,  et  ae  nostre  Seigneur  Iesus  Christ,  que  nous  le  tenions  comme  fiente  et  ordure,  ainsi  que  dit  sainct  Paul.  Or  cependant,  il  est  bien  certain  que  David  n'a  point  reiette  les  richesses  qu'il  avoit.  Estant  Roy  et  opulent,  comme  nous  scavons,  il  n'a  point  iette  l'or  et  l'argent  au  profond  de  la  mer,  il  a  use  de  l'abondance  que  Dieu  luy  donnoit:  mesmes  nous  voyons  quelle  a  este  l'excellence  et  la  beaute  de  sa  maison,  comme  l'histoire  saincte  le  recite.  Mais  cependant,  si  a-il  suyvi  la  regle  que  l'Escriture  nous  donne:  c'est  qu'il  a  use  tellement  des  biens  de  ce  monde,  comme  s'il  ne  les  eust  point  possede.  Il  faut  donc  que  nous  passions  par  ce  monde  sans  que  nous  y  soyons  retenus,  comme  S.  Paul  nous  exhorte:  que  si  Dieu  nous  donne  abondance,  que  nous  en  scachions  user,  sans  que  nostre  coeur  s'entortille  la:  et  que  cependant  nous  soyons  povres  en  nostre  esprit,  c'est  a,  dire,  que  nous  soyons  prests  de  quitter  tout,  toutes  fois  et  quantes  que  Dieu  nous  en  voudra  destituer,  et  que  nous  ayons  tousiours  un  pied  leve  pour  aller  a.  luy,  quand  sa  volonte  sera  de  nous  retirer  de  ce  monde.  Mais  encores,  ce  n'est  pas  sans  cause  que  David  a  parle  yci  de  l'abondance  des  richesses.  Car  nous  voyons  que  c'est  la  source  de  tous  maux  que  l'avarice,  comme  sainct  Paul  en  parle.  D'autant  donc  que  les  hommes  sont  tant  adonnez  aux