20:504  Treschers  freres,  ie  rens  grace  a  nostre  Seigneur  tant  de  ce  qu^il  luy  plaist  daccroistre  iournellement  le  nombre  de  son  peuple  entre  vous  que  de  ce  qu'il  vous  entretient  en  la  cognoissance  de  sa  verite,  apres  vous  y  avoir  une  foys  appellez,  con  obstant  toutes  les  machinations  de  sathan,  et  toutes  les  resistences  quil  faict  pour  destruire  ou  empescher  loeuvre  de  vostre  salut.  Or  comme  ie  m'esiouis  de  ce  qui  est  desia,  aussi  ay  ie  bonne  esperance  pour  ladvenir  que  ce  bon  Dieu  n'a  pas  commence  d'espandre  ainsi  sur  vous  ses  richesses  pour  retirer  incontinent  sa  main.  Oar  il  nous  fault  estimer  que  c'est  le  principal  et  le  plus  singulier  tesmognage  qu'il  nous  puisse  donner  en  ce  monde  de  son  amour  paternel,  que  de  nous  reveler  la  cognoissance  de  son  evangile,  veu  que  la  nous  pouvons  contempler  sa  face  en  Jesuschrist  pour  estre  certains  qu'il  nous  recoit  au  nom  diceluy  et  nous  a  pour  aggreables  comme  ses  chers  enfans.  Et  ce  instruit  en  la  religion  et  prenant  plaisir  a  faire  la  bonne  chere  a  ceux  qui  le  visitoyent,  ausquels  il  parloit  asses  ouvertement  de  la  verite,  sans  se  mettre  en  danger  pour  cela  estant  chery  et  recherche  par  les  plus  gros  de  l'eglise  Romaine  a  cause  de  sa  bonne  et  friande  table  .  .  .  .  il  ne  se  formalisoit  point  pour  aucun  exercice  de  la  religion.  Plusieurs  de  ceux  qu'il  avoit  instruits  tascherent  de  l'encourager  a  faire  mieux.  Mais  luy  au  contraire  se  faschant  d'estre  repris  s'esgara  iusques  la  que  de  faire  une  theologie  toute  nouvelle,  meslant  beaucoup  de  choses  des  resveries  des  Libertins  et  finalement  est  mort  n'estant  ny  chair  ny  poisson.  Mais  s'il  ne  servit  pour  soy,  si  fut  il  instrument  pour  en  resveiller  plusieurs,  nommeement  a  Corbigny,  ou  se  dressa  depuis  une  belle  Eglise,  qui  engendra  celle  de  Vezelay  et  en  partie  celle  deNevers,  non  sans  grandes  traverses  dont  par  l'une  d'icelles  fut  chasse  Frc.  Bourgoin,  depuis  ministre  de  Geneve,  et  mort  ministre  a  Seant  en  Ote  pour  l'Eglise  de  Trois.