9:503  503  DE  VERA  PARTICIPATIONE  504  asserere  Christi  corpus  ab  impiis  comedi,  quam  frigide  cavilletur  Heshusius,  ex  pluribus  locis  patet.  Primum,  virtutem  sacramenti  opponit  visibili  sacramento:  antitheta  facit  manducare  intus  et  foris:  manducare  corde  et  premere  dentibus.  Si  qua  esset  invisibilis  manducatio  corporis  a  spirituali  diversa,  trimembris  ponenda  erat  definitio.  Paulo  post  antithesin  eandem  repetit:J)  Qui  non  manet  in  Christo,  et  in  quo  non  manet  Christus,  procul  dubio  spiritualiter  non  manducat  carnem  eius,  nec  bibit  eius  sanguinem:  licet  carnaliter  et  visibiliter  premat  dentibus  sacramentum  corporis.  Si  placuisset  Augustino  Heshusii  commentum,  dicendum  fuerat:  Licet  corporaliter  edat  carnem.  Sed  nimirum  ubique  sibi  [pag.  G9]  consentit  pius  doctor:  nec  aliud  tradit  hoc  loco  quam  postea,  dicens  reliquos  discipulos  panem  Dominum  comedisse,  Iudam  vero  panem  Domini  contra  Dominum.  2)  Idem  et  alio  loco  probe  confirmat,  rursus  opponens  inter  se,  tanquam  contraria,  sacramento  tenus,  et  re  vera  Christi  carnem  comedere.  Unde  sequitur  re  vera  non  comedi  ab  impiis.  Denique  quid  intelligat  hac  voce,  Sacramento  tenus,  plenius  ostendit,  ubi  pronunciat  bonos  et  malos  signaculis  communicare.3)  Et  alibi:  Tunc  vita  unicuique  erit  corpus  et  sanguis  Christi,  si  quod  in  sacramento  visibiliter  sumitur,  in  ipsa  veritate  spiritualiter  edatur  et  bibatur.4)  Si  excipiat  Heshusius,  impios  spiritualiter  non  comedere:  quaero  quid  Augustino  significet  veritas,  cuius  participes  facit  solos  fideles.  Ad  haec,  si  sensit  Augustinus  substantialiter  ab  impiis  comedi  Christi  corpus,  nobis  visibile  repraesentari  oportet,  quando  impiis  nusquam  alia  tribuitur  quam  visibilis  sumptio.  Si  pluris  est  una  Augustini  sententia  Heshusio,  quam  decem  aliorum  patrum  prolixae  conciones,  sicut  ipse  iactat,  plus  quam  stipitem  esse  pueri  quoque  vident,  si  nihil  movetur  tam  illustribus  testimoniis.  Et  certe  dum  me  confligere  video  cum  tam  impuro  scurra,  indignitatis  ita  piget,  ut  propemodum  pudeat  in  discutiendis  eius  nugis  operam  consumere.  Peracta  hac  parte  fabulae  iterum  velitando  excurrit,  ut  nos  a  causa  abstrahat.  Nec  dubium  est  quin  sibi,  dum  hinc  inde  dicteria  quasi  flosculos  colligit  ad  se  ostentandum,  videatur  disertus  rhetor:  ego  autem  mihi  audire  videor  scrutorum  praeconem,  5)  adeo  frivola  est  loquacitas.  Iactat  posse  in  nobis  cerni  expressas  et  singulares  haereticorum  notas:  quia  dum  errorem  [pag.  70]  tueri  aperte  non  possumus,  fucamus  eum  praestigiis  verborum.  Sed  ubi  ad  rem  ventum  est,  quales  reperit  praestigias,  1)  Tractatu  in  Ioann.  26.  2)  Tractatu  in  Ioann.  59.  3)  Contra  Faustum  lib.  13,  cap.  16.  4)  Sermo  2  de  verbis  Apostoli.  5)  quelque  regratteur  qui  loue  sa  fripperie  pour  la  vendre.