5:503  CONSILIUM  PAULI  III.  suadere  possent  protestantibus  ut  aa  concilium  venirent  ,  nulla  omissa  ratione  vel  cautione  honesta,  quae  Ulos  adducere  posset:  non  esset  neque  rationi  alienum,  neque  difficile,  ut  supra  dictum  est,  aliquid  etiam  auxilii  ab  ipsis  contra  Turcam  obtinere.  Quo  illustrior  fiat  paterna  sacri  consistorii  mansuetudo,  hic  Caesari  ac  principibus  mandatur,  quid  sit  officii  sui  futurum.  Nempe  ut  ad  cogendum  armati  protestantibus  suadeant,  ne  quam  a  patribus  impositam  bibi  legem  suscipere  detrectent,  quo  sint  deinde  paratiores  ad  ulciscendam  contumaciam,  nisi  extemplo  pareant.  Hoc  tamen  boni  est  quod  nullam  rationem  vel  cautionem  vult  omitti,  quo  adduci  ad  officium  queant.  Sed  non  est  quod  hinc  sibi  multum  protestantes  placeant.  Honestam  enim  in  primis  esse  oportebit  sedis  apostolicae  maiestati;  hoc  autem  ex  eius  amplitudine  esse:  in  Ioanne  Hussio  et  Hieronymo  Pragensi  semel  est  constitutum,  ne  qua  iis  quos  haereticos  iudicaverit,  servetur  fides.  Stipulationes  sint  factae,  iusiurandum  praestitutum,  sponsiones  bonorum  intercesserint,  obsides  denique  sint  dati,  nulla  in  his  omnibus  certa  securitas  :  sunt  enim  vincula  astringendis  hominibus  inventa,  sedes  apostolica  omni  lege  est  superior.  [fol.  45]  Sin  autem  maiestates  suae  absque  mala  concordia  religionis  nihil  contra  Turcam  obtinere  possent,  videndum  est  etiam,  quod  sit  maius  detrimentum  et  quid  cedat  in  maiorem  Dei  offensionem,  an  ipsius  Dei  verum  cultum  ac  religionem  destrui,  quod  fieret  quando  Germania  in  malo  pro  concordia  conveniret,  an  ipsius  Germaniae  auxilio  contra  Turcam  destitui.  Non  enim  facile  discerni  potest  (ut  christiane  loquamur)  qui  sint  inimiciores  ChHsto,  protestantes  an  Turcae,  quia  hi  captivant  et  occidunt  corpus,  Uli  captivas  ducunt  animas  et  in  perditionem  trahunt;  non  cogunt  hi  religionem  mutare,  ilii  sub  specie  boni  corrumpunt  religionem  ac  destruunt.  His  igitur  omnibus  perpensis  poterunt  maiestates  suae  rectius  deliberare  quid  et  quo  modo  agendum  sit.  Et  hic  mirifice  elucet  pius  in  Caesarem,  regem  omnesque  imperii  principes  papae  affectus  et  vere  paterna  de  ipsorum  salute  sollicitudo.  Quia  veretur  sanctus  pater  ne  puriorem  doctrinam  recipiendo  et  de  ecclesiae  reformatione  cogitando,  conscientias  suas  laesae  romanae  tyrannidis  obligent,  hoc  tanto  discrimine  mature  eos  liberat.  Non  enim  tantum  omnia  huic  uni  posthaberi  iubet  ut  coerceantur  protestantes,  sed  persuadere  denique  conatur,  longe  melius  fore  ut  Turcis  se  potius  prodant  Germani,  imo  civilibus  ac  intestinis  discordiis  fractos  eius  lanienae  se  obiiciant,  quam  ut  reclamante  sua  sanctitate  in  concordiam  et  piam  et  patriae  salutarem  cum  protestantibus  redeant.  Principio  de  protestantibus  ad  obedientiam  romanae  sedis  reducendis  posthabito