39:503  503  PRAELECTIONES  504  9.  Comprehenderunt  igitur  regem,  et  duxerunt  eum  ad  regem  Babylonis  in  Riblatah,  in  terram  Chamath,  qui  disceptavit  cum  eo  iudiciis.  10.  Et  iugulavit  rex  Babylonis  filios  Sedechiae  in  oculis  eius,  et  etiam  omnes  principes  Iehudah  iugulavit  in  Riblatah:  11.  Oculos  autem  Sedechiae  excaecavit,  et  vinxit  catenis,  adducique  fecit  eum  rex  Babylonis  Babylonem,  et  posuit  eum  in  domo  carceris  usque  ad  diem  quo  mortuus  est.  12.  Mense  autem  quinto,  decima  mensis  (is  annus  erat  decimus  nonus  annus  regis  Nabuchadrezer  regis  Babylonis)  venit  Nebuzaradan  princeps  militum  qui  stabat  coram  rege  Babylonis  in  Ierusalem.  13.  Et  incendit  domum  Iehovae,  et  domum  regis,  atque  cunctas  domos  Ierusalem,  et  omnem  domum  magnam  combussit  igni.  14.  Omnesque  muros  Ierusalem  undique  destruxerunt  totus  exercitus  Chaldaeorum,  qui  erat  cum  magistro  militum.  15.  De  pauperibus  autem  populi,  et  de  reliquo  populo  qui  remanserant  in  urbe,  et  de  transfugis  qui  transfugerat  ad  regem  Babylonis,  et  de  reliquiis  multitudinis  transmigrat  fecit  Nebuzaradan  magister  militum.  16.  De  pauperibus  vero  terrae  reliquit  Nebuzaradan  magister  militum  vinitores  et  agricolas.  17.  Et  columnas  aereas  quae  erant  in  domo  Iehovae,  et  bases,  et  mare  aereum  quod  erat  in  domo  Iehovae,  confregerunt  Chaldaei,  et  detulerunt  omne  aes  eorum  Babylonem.  18.  Lebetes  quoque  et  scopas,  et  psalteria,  et  pelves,  et  cochlearia,  et  omnia  vasa  aerea  quibus  ministrabant,  tulerunt  19.  Et  hydrias,  et  thuribula,  et  pelves,  et  ollas,  et  candelabra,  et  mortariola,  et  cyathos:  quae  aurea,  aurea,  et  quae  argentea,  argentea  tulit  magister  militum.  20.  Columnas  duas,  mare  unum,  et  boves  duodecim  aereos,  qui  erant  sub  basibus  quas  fecerat  rex  Solomo  in  domo  Iehovae:  non  erat  pondus  aeris  eorum  omnium  (nempe)  vasorum  istorum.  21.  Quod  ad  columnas,  octodecim  cubitorum  erat  altitudo  columnae  unius,  ei  filum  duodecim  cubitorum  circuibat  eam,  cuius  crassitudo  (quae)  erat  quatuor  digitorum  (erat)  vacua.