35:503  503  SERMON  CLIX  504  Chef  des  homines  et  des  Anges,  qu'il  soit  en  la  gloire  de  Dieu  son  Pere:  tant  y  a  qu'encores  ne  s'est-il  pas  ingere  de  soy,  mais  il  a  este  appelle  avec  serment  solennel  de  celuy  qui  a  dit,  I'ay  iure,  et  ne  m'en  repentiray  point,  Tu  es  Sacrificateur  eternellement  selon  Tordre  de  Melchisedec  (Pseau.  110,  4.  5).  Notons  bien  donc  quand  Iob  a  este  mis  ici  en  avant  pour  Sacrificateur,  que  c'est  a  ce  que  nous  recueillons,  quand  nous  avons  a  demander  pardon  de  nos  pechez,  qu'il  ne  faut  point  qu'un  chacun  s'avance  sans  avoir  un  meilleur  moyen,  mais  que  Iesus  Christ  a  cest  office  de  nous  donner  accez  et  de  nous  faire  ouvrir  la  porte,  et  nous  presenter  a  Dieu  son  Pere:  afin  que  nous  soyons  la  exaucez,  et  que  ce  throne  de  maieste  ne  nous  soit  plus  terrible,  mais  amiable.  Or  si  cela  a  este  fait  du  temps  de  la  Loy,  s'il  a  este  fait  mesmes  entre  ceux  ausquels  Dieu  ne  s'estoit  point  communique  si  privement:  que  serace  auiourd'huy  quand  nous  avons  pleine  declaration  que  Iesus  Christ  est  le  seul  Advocat  qui  intercede  pour  nous,  afin  que  nos  requestes  soyent  bien  receues?  Et  en  cela  voit-on  l'ingratitude  du  monde:  car  qui  est  cause  qu'on  a  cerche  tant  d'advocats  et  de  patrons,  et  que  chacun  a  eu  sa  devotion  a  part  pour  s'introduire  a  Dieu:  sinon  d'autant  qu'on  n'a  point  cognu  l'office  de  nostre  Seigneur  Iesus  Christ?  Et  ainsi  donc  notons  bien  toutes  fois  et  quantes  que  nous  aurons  offense,  qu'un  chacun  ne  doit  point  venir  a  la  volee  devant  le  throne  celeste,  mais  que  nous  y  devons  venir  par  le  moyen  de  celuy  qui  nous  est  ordonne.  Et  alors  nous  sommes  certains  que  Dieu  ne  nous  reiettera  point:  car  nous  avons  sa  promesse  qui  ne  nous  peut  faillir:  mais  si  nous  y  venons  a  l'esgaree,  nous  ne  profiterons  rien.  Autant  en  est-il  des  sacrifices  dont  il  est  ici  parle:  car  iamais  les  oraisons  n'ont  este  exaucees  sans  sacrifice.  Et  pourquoy?  Car  Dieu  a  voulu  monstrer  qu'a  bon  droit  les  hommes  ne  sont  pas  dignes  de  venir  devant  luy:  d'autant  que  tous  sont  coulpables  de  mort,  et  quand  ils  y  viendront,  ce  sera  a  leur  ruine.  Tous  ceux  donc  qui  ont  iamais  voulu  obtenir  grace,  ont  apporte  quelques  sacrifices  pour  confesser  qu'ils  estoyent  redevables  au  iugement  de  Dieu,  et  qu'ils  ne  s'en  pouvoyent  autrement  delivrer  sinon  par  sacrifice.  Les  payens  ont  bien  ensuivi  cela:  mais  ils  n'ont  pas  entendu  la  fin  pourquoy:  c'a  este  seulement  un  tesmoignage  contr'eux.  Tant  y  a  neantmoins  que  Dieu  a  voulu  laisser  un  tesmoignage  par  tout  le  monde,  que  les  hommes  cognussent  qu'il  n'y  avoit  que  condamnation  en  eux,  et  qu'ils  ne  pouvoyent  estre  absous,  sinon  que  leurs  pechez  fussent  effacez  par  quelque  recompense.  Or  maintenant  nous  avons  la  verite  de  cela,  qui  nous  est  revelee  en  l'Evangile:  c'est  que  toutes  fois  et  quantes  que  nous  devons  prier