32:503  503  SECOND  SERMON  504  ceste  condition-la,  que  non  seulement  un  chacun  pense  de  soy  en  prive,  mais  aussi  que  nous  ayons  une  solicitude  mutuelle  les  uns  des  autres,  et  quand  nous  aurons  ce  zele,  cognoissans  que  Dieu  a  cree  tout  le  monde  a  ceste  condition-la,  qu'un  chacun  luy  rende  obeissance.  Mais  il  nous  faut  bien  noter  l'ordre  qui  est  yci  tenu:  car  David  ne  commence  point  par  ce  mot,  Qu'il  a  raconte  les  iugemens  de  la  bouche  de  Dieu  en  ses  levres.  Il  avoit  desia  dit  auparavant,  qu'il  les  avoit  cachez  en  son  coeur.  Ce  que  David  dit  estre  cache  en  son  coeur,  il  le  declaire  puis  apres  de  bouche.  En  quoy  il  monstre  que  chacun  doit  commencer  a  soy.  Quand  il  est  question  que  nous  voulons  instruire  et  enseigner  nos  prochains,  il  ne  faut  pas  que  nous  leur  disions,  Allez  devant:  mais,  venez  apres  moy,  ou  quant  et  quant:  et  que  tendans  tous  d'aller  au  droit  chemin,  nous  taschions  aussi  tous  ensemble  d'aller  a  nostre  Dieu,  pour  estre  conioints  a  luy  en  vray  foy.  Et  ie  dy  ceci  pource  qu'on  en  verra  beaucoup  qui  scauront  bien  habiller,  et  semblera  qu'ils  soyent  les  plus  grans  docteurs  du  monde.  Mais  quoy?  qu'on  regarde  leur  vie  cependant,  et  on  trouvera  qu'il  n'y  a  qu'infection  et  puantise,  qu'ils  se  mocquent  de  Dieu  en  tout  ce  qu'ils  font.  Ainsi  donc,  il  faut  que  nous  ensuyvions  l'ordre  qui  est  yci  tenu  de  David,  c'est  ascavoir,  que  la  Parole  de  Dieu  soit  cachee  comme  un  thresor  au  profond  de  nostre  coeur:  et  puis  quand  nous  aurons  ceste  affection-la  en  nous,  que  nous  taschions  d'y  attirer  aussi  les  autres,  et  que  nous  allions,  accordans  tous  ensemble  pour  honorer  nostre  Dieu:  et  que  celuy  qui  aura  este  enseigne  d'avantage  que  ses  prochains,  qu'il  se  cognoisse  tant  plus  tenu  et  oblige  a  Dieu,  pour  faire  ce  qui  nous  est  yci  monstre  de  David.  Car  combien  que  nous  ne  soyons  pas  Prophetes  comme  il  estoit,  si  est-ce  neantmoins  qu'il  a  este  dit  en  general  a  tous,  Admonestez  les  uns  les  autres.  Sainct  Paul  parle  a  tous  fideles,  et  tous  Chrestiens.  Ainsi  donc,  que  nous  scachions  que  cecy  nous  compete  et  appartient  :  et  sur  tout,  comme  i'ay  dit,  que  ceux  qui  sont  les  plus  avancez,  que  Dieu  veut  qu'ils  desployent  la  grace  qu'ils  ont  receue  pour  l'edification,  commune  de  l'Eglise,  et  de  l'instruction  de  leurs  prochains.  Il  s'ensuit,  I'ay  prins  plaisir  en  la  voye  de  tes  tesmoignages,  comme  en  abondance  de  richesses.  Yci  David  monstre,  qu'estant  desveloppe  des  affections  terriennes,  dont  les  hommes  sont  occupez  par  trop,  il  s'est  efforco  de  tendre  du  tout  a  Dieu.  Car  il  est  impossible  que  nous  sentions  ceste  douceur  qui  est  contenue  en  la  Parole  de  Dieu,  et  que  ceste  doctrine  de  salut  nous  plaise,  tellement  que  nous  y  soyons  adonnez,  qu'auparavant  nous  n'ayons  retranche  toutes  ces  cupiditez  et  affections  mauvaises  qui  dominent  par  trop  en  nous.  C'est  comme  si