9:502  nostram  doctrinam:  ego  tamen  confido,  me  dum  Westphalo  respondi,  sic  diluisse  eius  et  sodalium  calumnias,  ut  contentiosi  etiam,  in  quibus  residet  aliqua  ingenuitas,  tacere  malint,  quam  Heshusii  petulantiam  imitando,  in  ludibrium  incurrere.  Iactat  Augustinum  asserere  veram  praesentiam  corporis  Christi  in  eucharistia:  quod  corpus  in  pane,  sanguis  in  calice  detur,  et  per  sacerdotum  manus  erogetur:  non  solum  fide,  sed  ore  quoque  sumatur,  nec  solum  a  piis,  sed  etiam  ab  impiis.  Respondeo,  nisi  accedat  clara  definitio  quomodo  nomen  corporis  accipiat  Augustinus,  fraudulenter  agere  Heshusium.  Quis  autem  melior  erit  interpres,  quam  Augustinus  ipse?  Atqui  praeterquam  quod  iisdem  locis  promiscue  nominat  eucharistiam  vel  sacramentum  corporis,  uno  loco  mentem  suam  indubie  explicat,  ubi  dicit  ')  sacramenta  ex  similitudine  rerum  quas  signant,  2)  nomina  accipere:  ideoque  secundum  quendam  modum  sacramentum  corporis  esse  corpus.  Itaque  quoties  obtrudet  Heshusius  ambiguam  vocem,  regerere  promptum  erit,  Augustinum,  ubi  ita  loquitur,  non  esse  oblitum  sui:  sed  illam  sequi  regulam  quam  aliis  praescribit.  Eodem  spectat  quod  alibi  nominat  figuram  alibi  signum  corporis.  Item  Christum  se  quodammodo  gestasse  suis  manibus.3)  Vel  potius  me  tacente  Augustinus  calumniam  a  se  depellet:  quod  propter  similitudinem  transferat  nomen  rei  signatae  ad  externum  symbolum  :  ac  proinde  panem  vocet  Christi  corpus,  non  proprie  et  substantialiter,  ut  Heshusius  garrit,  [pag.  68]  sed  secundum  quendam  modum.  De  praesentia  porro  quid  senserit  pius  ille  scriptor  luculente  apparet  in  Epistola  ad  Dardanum  :  Immortalitatem,  inquit,  carni  suae  dedit  Christus,  naturam  non  abstulit.  Secundum  hanc  formam  non  est  putandus  ubique  diffusus.  Cavendum  enim  est,  ne  ita  divinitatem  astruamus  hominis,  ut  veritatem  corpori  auferamus.  Non  est  autem  consequens,  ut  quod  in  Deo  esi,  sit  ubique  ut  Deus.  Concludit  tandem  unigenitum  Dei  filium  eundemque  filium  hominis  ubique  totum  praesentem  esse  tanquam  Deum:  in  templo  Dei,  hoc  est,  in  ecclesia,  esse  tanquam  inhabitantem  Deum,  et  in  loco  aliquo  coeli  propter  veri  corporis  modum.  Eodem  pertinet  etiam  illud:  Secundum  praesentiam  maiestatis,  nos  semper  habere  Christum:  secundum  praesentiam  carnis,  recte  dictum  esse:  Me  non  semper  habebitis.4)  Praetereo5)  similes  locos,  quibus  non  obscure  testatus  est  sanctus  ille  scriptor  quantopere  a  locali  Christi  praesentia  abhorreat.  Ipsum  vero  1)  Epist.  23  ad  Bonif.  2)  Sic  reponimus  cum  Gallo  pro  signat  quod  exhibent  libri  latini.  3)  Contra  Adimant,  lib.  12.  In  Psal.  3.  In  Psal.  33.  4)  Tractatu  50  in  Ioann.  5)  Sic  omnino  legendum  cum  Gallo  (Ie  passe).  Libri  latini  omnes:  Praeterea.  32*