5:502  Quid  statutum,  decretum,  pronunciatum  fuerit,  dicto  si  audientes  fore  recipiant,  de  suis  capitibus,  imo  de  suis  animis  decerni  quod  visum  fuerit  consentiant.  Atqui  non  tantum  periculose  id  sint  facturi  in  re  dubia,  sed  cum  certa  sui  pernicie  religionem  insigni  perfidia  prodituri.  Quibus  enim  tantum  iuris  deferent?  certe  minime  obscurum  est,  quibus  vel  pecudibus,  vel  beluis,  maxima  ex  parte  chorus  ille  venerabilium  episcoporum  et  abbatum  constet.  Pauci  quidem  liberalibus  disciplinis  egregie  sunt  instituti,  sed  eo  peiores  quod  quidquid  habent  ingenii  ac  doctrinae  in  pessimos  usus  conferunt.  Ex  aliis  vix  decimum  quemque  reperias,  qui  vel  mediocri  literarum  cognitione  leviter  tinctus  sit.  In  vera  Christi  intelligentia  totaque  religionis  administratione  vix  centesimus,  qui  non  sit  asino  quolibet  stupidior.  Postremo  ut  doctrinam  illis  et  singularem  regendae  ecclesiae  peritiam  concedamus,  certum  est  tamen  obstinatis  et  auribus  et  animis  contra  Christum  eiusque  veritatem  staturos.  Ubi  ergo  claris  iudiciis  providebunt  protestantes,  vel  potius  quasi  habito  praeiudicio  cernent,  summam  esse  postulati  ut  in  religionis  abolitionem  consentiant,  deinde  ut  se  suaque  latronum  libidini  permittant,  quid  facturos  iudicamus?  Sed  indulgentiores  erunt  sancti  patres  quam  ut  funditus  perditos  velint  protestantes.  Quis  autem  erit  lenitatis  modus?  adhibita  scilicet  paterna  castigatione  ut  propter  rebellionis  ac  defectionis  scelus  tripla  vel  quadrupla  in  bellum  turcicum  collatione  mulctentur.  Religioni  porro  quam  bene  consuletur?  At  nefas  est  de  mysteriis  a  sede  romana  comprobatis  vel  apiculum  unum  convellere:  prostrata  ergo  in  eo  statu  iaceat,  quo  ante  annos  viginti  quinque  fuit.  At  quid  calamitosius  est?  nonne  [fol.  44]  praestiterit  centies  potius  iugulum  praebere  quam  evangelii  causam  deserendo  et  Christum  abnegare  vitam  nostram,  et  Deo  renunciare?  Esto,  sed  quamcunque  in  partem  res  cadat,  hic  tamen  erit  finis  concilii:  si  obsequentes  se  ad  omnia  protestantes  praebuerint,  sanctissimus  pater  valere  iubebit  ac  plaudere;  sin  vero  restiterint,  classico  abrumpet  sessionem.  Verum  quum  omnia  consilia  ex  foederis  robore  pendeant,  viderit  ut  eam  ad  quam  tanta  contentione  anhelat  actionem  assequatur.  Quod  si  hac  parte  obtinuerit,  nos  tamen  scimus  et  ipse  aliquando  sentiet  f  nullum  consilium,  nullam  astutiam,  nullos  conatus,  nullas  vires  adversus  Dominum  valere,  cui  nos  bona  conscientia  militamus.  Intentus  enim  vultus  Domini  super  omnes  iniquos,  ut  de  terra  excidat  memoriam  eorum,  pios  vero  et  se  timentes  castris  angelorum  suorum  circumdat,  ut  eripiat  eos  ex  omni  malo.  Nam  quod  eversionem  religionis  opumque  ecclesiasticarum  direptionem  protestantibus  hic  obiicit  sua  ipsius  vanitate  abunde  refellitur.  Maiestates  suae  et  reliqui  Germaniae  principes  32*